މާލޭގެ ގެއެއްގެ ދެވަނަ ފަންގިފިލާއިން އަންހެނަކު ވެއްޓިއްޖެ އެވެ.

މިކަމާ ގުޅިގެން ފުލުހުން ބުނީ މާލޭގެ މައްޗަންގޮޅީގައި ހުންނަ ގެއެއްގެ 2 ވަނަ ފަންގިފިލާއިން 42 އަހަރުގެ ދިވެހި އަންހެނަކު ވެއްޓިފައިވާކަމުގެ މައުލޫމާތު ފުލުހުންނަށް ރޭ 4:00 ހާއިރު ރިޕޯޓްކޮށްފައިވާކަމަށެވެ.

މި ހާދިސާގައި އަންހެންމީހާގެ 2 ފައިގެ ކުޑަހުޅު ނެއްޓި "އޯޕެން ފްރެކްޗާ" ވެފައިވާކަމަށާއި، އޭނާ އަށް އައިޖީއެމްއެޗްގައި ފަރުވާ ދެމުން އަންނަ ކަމަށް ފުލުހުން ބުނެ އެވެ.

ފުލުހުން އަންނަނީ މި މައްސަލަ ތަހުގީގު ކުރަމުންނެވެ.