ހޮލީވުޑްގެ މަޝްހޫރު ތަރި ބްލޭކް ލައިވްލީއަށް އަނެއްކާ ވެސް އޭނާއާއެކު މަސައްކަތްކުރި އެހެން ތަރިއަކު އާ ތުހުމަތުތަކެއް ކޮށްފި އެވެ.

ޓީވީ ސީރީޒް "ގޮސިޕް ގާލް"ގައި ބްލޭކްއާއެކު މަސައްކަތްކުރި އެކްޓަރެއް ކަމަށްވާ ރޮސެއްލާ ރަގޯ ވަނީ ބްލޭކްއަކީ އެކުގައި މަސައްކަތް ކުރަން ވަރަށް އުނދަގޫ ތަރިއެއް ކަމަށް ބުނެފަ އެވެ.

ޝޫޓިންގެ ތެރޭގައި ވެސް ބްލޭކްގެ ފަރާތުން މާހައުލާ ނުގުޅޭ ބޭއަދަބީ އަމަލުތައް ވަރަށް ގިނައިން ފެންނަ ކަމަށް ރޮސެއްލާ ބުނެފައިވެ އެވެ.

"ހަމަ ހުރެފައި މޫނަށްވާ ގޮތަށް ފުރަގަސް ފަރާތުން ވައެއް ވެސް ބޭރުކޮށްފާނެ" ބްލޭކްއާއެކު މަސައްކަތް ކުރުމުގެ ތަޖުރިބާ ހިއްސާ ކުރަމުން ރޮސެއްލާ ބުނެފައިވެ އެވެ.

ރޮސެއްލާ ބްލޭކްއަށް މި ތުހުމަތުތައް ކޮށްފައި މިވަނީ ބްލޭކްއާއެކު "އިޓް އެންޑްސް ވިތު އަސް"ގައި މަސައްކަތްކުރި ޖަސްޓިން ބެލްޑޯނީ ވެސް އޭނާއާ ދެކޮޅަށް އަބުރުގެ ދައުވާ ކޮށްފައިވާ ދަނޑިވަޅެއްގަ އެވެ.

ޖަސްޓިން އެ ދައުވާ ކޮށްފައިވަނީ މިދިޔަ ޑިސެމްބަރު މަހު ބްލޭކް އޭނާއަށް ކުރި ޖިންސީ ފުރައްސާރައިގެ ދައުވާއަށް ރައްދު ދިނުމުގެ ގޮތުންނެވެ.

ބްލޭކްއާ ދެކޮޅަށް ހޮލީވުޑްގައި ޝުއޫރުތައް އިތުރުވަމުން އަންނަ މި ދަނޑިވަޅުގައި އޭނާގެ މަސައްކަތަށް ވެސް އެކަމުގެ ނޭދެވޭ އަސަރު ކުރަމުން އަންނަ ކަމަށް ހަބަރުތައް ބުނެ އެވެ.