ރޭ ހިނގި އަލިފާނުގެ ހާދިސާގައި މަރުވި އެންމެންގެ ވަނަވަރު އަދިވެސް ކަށަވަރު ކުރެވިފައިނުވާ ކަމަށް ފުލުހުން ބުނެފި އެވެ.

ފުލުހުން ބުނީ އެ މީހުންގެ ވަނަވަރު ކަށަވަރު ކުރުމުގެ މަސައްކަތް އަދިވެސް ކުރަމުން އަންނަ ކަމަށެވެ. އެހެންކަމުން ފުލުހުން މައުލޫމާތު ހާމަނުކުރަނީސް އެ މީހުންގެ ވަނަވަރު ކަމަށް ބުނެ މައުލޫމާތުތައް ހާމަނުކުރަން ފުލުހުން ވަނީ އެދިފަ އެވެ.

މާފަންނު ގަރާޖެއްގައި ރޭ އަލިފާނުގެ ހާދިސާ ހިނގީ 12:30 ހާއިރު އެވެ. އެ ހާދިސާގައި ޖުމްލަ 10 މީހަކު ވަނީ މަރުވެފަ އެވެ. މަރުވި މީހުންގެ ތެރޭގައި ހިމެނެނީ އިންޑިއާ، ބަންގްލޮަދޭޝް އަދި ސްރީލަންކާއަށް ނިސްބަތްވާ މީހުންނެވެ.

އެ ހާދިސާގެ ތަހުގީގު ފުލުހުން މިހާރު ވަނީ ފަށައިފަ އެވެ. މަރުވި މީހުން ދިރިއުޅުނު ގެއަށް އިއްޔެ އާއި ރޭ ގޮސްފައިވާ މީހެއް ވާނަމަ އެކަން ފުލުހުންނާ ހިއްސާކޮށްދިނުމަށް ފުލުހުން ވަނީ އެދިފަ އެވެ.

އަލިފާނުގެ ހާދިސާގައި މަރުވި މީހުން މިހާރު ތިބީ ގަލޮޅު މޯޗަރީގަ އެވެ.