ގޮނޑިގެއްލޭ އިސްލާހާއި ގުޅިގެން ކޯޓަށް ދާން ފާރިސް ގޮވާލައިފި
ކައިވެނީގެ ހަފްލާ އަކަށް ރައީސްގެ ދެކަނބަލުން އިނގިރޭސިވިލާތަށް
ހެދުން އަޅާ ގޮތަށް ފާޑުކިޔާ މީހުންނަށް ސްވަރާގެ ރައްދެއް!
ފަރީދީ މަގުގައި ހުރި ގެއެއްގެ ބެލްކަނި މަގުމައްޗަށް ވެއްޓިއްޖެ އެވެ.
މިހާދިސާ ހިނގަފައިވަނީ ދަދި ދެންމެ އެވެ. ވެއްޓިފައި ވަނީ ފަރީދީ މަގު މެދާކަށް ހިސާބުގައި ހުންނަ ސުންބުލާގެ ދެ ވަނަ ފަންގި ފިލާގެ ބެލްކަނީގެ ފާރެވެ.
އެ އިމާރާތަކީ ވަރަށް ބޮޑަށް ބާވެ ރެނދުލާފައިވާ ގެ އެކެވެ.
އެސަރަހައްދުން ވާހަކަ ދެއްކި މީހަކު ބުނީ އެ ގެގައި އެގޮތަށް ރެނދުލާފައި ހުންނަތާ ވަރަށް ގިނަ ދުވަސް ވެއްޖެ ކަމަށެވެ. އަދި މީގެ ކުރިން އެތަށް ފަހަރަކު ފުލުހުންނަށާ މާލެ ސިޓީ ކައުންސިލުގެ ސަމާލުކަމަށްވެސް އެކަން ގެނެސްފައިވާ ކަމަށް އޭނާ ކިޔައިދިނެވެ.
"މިރޭ މި ވެއްޓުނީ ނަސީބަކުން މީހެއްގެ ބޮލަކަށް ނޫން، މީގެ ކުރިންވެސް ފުލުހުންނަށްވެސް މާލެ ސިޓީ ކައުންސިލުގެ ސަމާލުކަމަށްވެސް މިކަން ގެނެސްފަ ވާނީ މިހިސާބުގަ އުޅޭ މީހުން އެކަމަކު ހައްލެއް ނުލިބި ހުއްޓާ މިރޭ މި ވެއްޓުނީ،" އެމީހާ ކިޔައިދިނެވެ.
މަގުމައްޗަށާއި އެގޭ ގޯޅި ތެރެއަށް ފާރު ވެއްޓި ވަނީ ފުނޑުފުނޑު ވެފަ އެވެ. މިހާދިސާގައި އެއްވެސް މީހަކަށް އަދި މަގުމަތީ ހުރި ސައިކަލަކަށްވެސް ގެއްލުމެއް ނުލިބެ އެވެ.
