ޓާޓާ ކުންފުންޏަށް ބިންތައް ހަވާލުކުރި ސަބަބު މާލެ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެ އެވެ.

މޭޔަރު ވިދާޅުވީ، ޓާޓާ ކުންފުންޏަށް ބިންތައް ހަވާލުކުރީ އިންޑިޔާގެ ބާރު ދިވެހި ރާއްޖެއަށް އިންތިހާއަށް ގަދަވުމުން ކަމަށެވެ.

އިންޑިޔާގެ ޓާޓާ ކުންފުންޏަށް ކުރީގެ އޯޑިއޯން ސިނަމާ ހުރި ބިމާއި ދީ ހުރި ބިން 2020 ވަނަ އަހަރުގައި ހަވާލުކުރީ ފްލެޓު އެޅުމުގެ މަސައްކަތަށެވެ.

އެހެންނަމަވެސް އެއްބަސްވުމާއި އެއްގޮތަށް މަސައްކަތް ނުނިމި ހުރުމާއި ގުޅިގެން ސަރުކާރުން ދަނީ އާބިޓްރޭޝަން އަަށް ގޮސް ބަދަލު ދިނުމުން ސަލާމަތްވުމަށް މަސައްކަތް ކުރަމުންނެވެ.

އެހެންނަމަވެސް މީޑިޔާތަކަށް މައުލޫމާތުދެމުން ޑރ. މުއިއްޒު ވިދާޅުވީ އެ މައްސަލައިގައި ރާއްޖެއަށް ކާމިޔާބު ލިބުމުގެ އުންމީދެއް ލިބިވަޑައިގެންފައި ނުވާ ކަމަށެވެ. އަދި އެދެބިން ޓާޓާއަށް ދިނީ އިންޑިޔާގެ ބާރު ރާއްޖެއަށް ގަދަވެފައި އޮތުމުން އިންޑިޔާ ކުންފުންޏަކަށް ދިނުމުގެ މަގުސަދުގައި ކަމަށް ވެސް މޭޔަރު މުއިއްޒު ވަނީ ވިދާޅުވެފަ އެވެ.

ސަރުކާރާއި ޓާޓާއިން އެއްބަސްވި މި އެއްބަސްވުމުގެ ދަށުން ދައުލަތަށް ނުވަ މިލިއަން ޑޮލަރުގެ ފައިދާއެއް ވާނެ ކަމަށް މީގެ ކުރިން ޕްލޭނިން މިނިސްޓްރީން ލަފާކޮށްފައިވެ އެވެ.