ބަންގުލަދޭޝްގެ ފޮރިން ސެކްރެޓަރީ މަސްޢޫދު ބިން މޮމެން ރަސްމީ ދަތުރުފުޅެއްގައި މިއަދު ރާއްޖެއަށް ވަޑައިގެންފި އެވެ.

އެ ގައުމުގެ ސެކްރެޓަރީ ރާއްޖެއަށް ކުރައްވާ މި ދަތުރުފުޅަކީ ރާއްޖެއާއި ބަންގްލަދޭޝްގެ މެދުގައި ސޮއިކޮށްފައިވާ މެމޮރަންޑަމް އޮފް އަންޑަސްޓޭންޑިން އެއްބަސްވުމުގެ ދަށުން ނިންމަން ޖެހޭ މުހިންމު ކަންތައްތައް ނިންމުމަށް ކުރައްވާ ދަތުރުފުޅެއްކަމަށް ފޮރިން މިނިސްޓްރީން ވަނީ ބުނެފަ އެވެ.

ރާއްޖެއަށް ކުރެއްވި މި ދަތުރުފުޅުގައި މިނިސްޓަރުގެ އަރިހުން އެގައުމުގެ އިސް ބޭފުޅުންވެސް ވަނީ ވަޑައިގެންފަ އެވެ. އަދި ބައްދަލުވުމުގެ ތެރެއިން ދެގައުމުގެ މަސްލަހަތު ހިމެނޭ ކަންކަމާއި ގުޅޭގޮތުން މަޝްވަރާކުރުމަށް ބައްދަލުވުންތައް ބޭއްވުމަށް ނިންމާފައިވާކަމަށްވެސް ފޮރިން މިނިސްޓްރީން ވަނީ ބުނެފަ އެވެ.

އޭގެ އިތުރުން ބަންގްލަދޭޝާއި، ރާއްޖޭން ގުޅިގެން ކުރިއަށް ގެންދާ ކަންކަން މުރާޖައާ ކުރައްވާނެ ކަމަށާއި، ދެގައުމުގެ ގުޅުން އިތުރަށް ބަދަހިކުރުމާއި މެދުގައި އެކި މަޝްވަރާތައް ކުރައްވާނެ ކަމަށް ވެސް، ފޮރިން މިނިސްޓްރީން ވަނީ ބުނެފައިވެ އެވެ.

މި ބައްދަލުވުމުގައި ބަންގްލަދޭޝް މޯލްޑިވްސް ކައުންސިލް އޮން ކޮމްޕްރެހެންސިން ކޯޕަރޭޝަން އުފެއްދުމާއި، މަސްވެރިކަމާއި ސަގާފީ އެކްސްޗޭންޖު ޕްރޮގްރާމެއް ހިންގުމަށް ވެސް އެއްބަސްވެފައިވާ ކަމަށް ފޮރިން މިނިސްޓްރީން ބުނެފައިވެ އެވެ.