ފަރްހާން އަކްތަރް ލީޑް ރޯލުން ފެނިގެންދާ ފިލްމް "ތޫފާން" އަންނަ ޖުލައި މަހުގެ 16 ވަނަ ދުވަހު ރިލީޒް ކުރާނެކަން އިއުލާންކޮށްފި އެވެ.

ފިލްމު "ތޫފާނު" ރިލީޒް ކުރުމަށް ކުރިން ނިންމާފައި އޮތީ ސިނަމާގަ އެވެ. ނަމަވެސް މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19ގެ ބަލިމަޑުކަމުގެ ސަބަބުން ސިނަމާތައް ބަންދުކޮށްފައި ވުމުން މިފިލުމްވެސް ރިލީޒް ކުރުމަށް ނިންމާފައި ވަނީ އެމެޒޯން ޕްރައިމް މެދުވެރިކޮށެވެ.

މި ފިލްމަކީ ކުޅިވަރާއި ގުޅޭގޮތުން ރާކޭޝް އޯމްޕްރަކާޝް މެހެރާ ޑައިރެކްޓުކޮށް ނެރޭ ފިލްމެކެވެ.

ފާހަގަކޮށްލެވޭ ގޮތުގައި "ބާގް މިލްކާ ބާގް" އަށް ފަހު މިއީ ފަރްހާންގެ ކުޅިވަރާ ގުޅޭ ދާއިރާއިން ނިކުންނަ ފުރަތަމަ ފިލްމެވެ.

މި ފިލްމުގައި ފަރްހާން އަކްތަރްގެ އިތުރަށް ދެން ފެނިގެންދާ ތަރިންގެ ތެރޭގައި މުރުނާލް ތާކުރް އަދި ޕަރޭޝް ރާވަލް ހިމެނެ އެވެ.