"ކޮފީ ވިތް ކަރަން"ގެ ސަބަބުން ސޯނަމް އާއި ރަންބީރުގެ އެކުވެރިކަމަށް ބުރޫއެރި ކަމަށް ސޯނަމް ބުނެފި އެވެ.

"ކޮފީ ވިތް ކަރަން" އަކީ އިންޑިޔާގެ މަޝްހޫރު ފިލްމް ޑައިރެކްޓަރު ކަރަން ޖޯހަރްގެ ޗެޓް ޝޯއެކެވެ. ބޮލީވުޑްގެ މަޝްހޫރު ގިނަ ފަންނާނުންތަކެއް ވަނީ މި ޝޯގެ ތެރެއިން ފެނިފަ އެވެ.

"ކޮފީ ވިތް ކަރަން"ގައި ދީޕިކާ ޕަދުކޯން އާއެކު ސޯނަމް ކަޕޫރު ބައިވެރިި ޝޯގެ ތެރޭން ކަރަން ޖޯހަރްކުރި ސުވާލަކަށް ޖަވާބު ދެމުން ސޯނަމް ވަނީ ރަންބީރުއަކީ ރަހުމަތްތެރިއެއްގެ ގޮތުގައި ވަރަށް ރަނގަޅު މީހެއްކަމާއި ނަމަވެސް އޭނާއަކީ ލޯބިވެރިއެއްގެ ގޮތުގައި ރަނގަޅު މީހެއްކަމެއް އެނގިފައިނުވާ ކަމަށް ބުނެފަ އެވެ.

މީގެ އިތުރުން ޝޯގެ ތެރެއިން ސޯނަމް ވަނީ ރަންބީރުއާއެކު ލޯބީގެ ގޮތުން ގުޅިގެން ގިނަ ދުވަސްތަކެއް ހޭދަކުރިކަމަށްޓަކައި ދީޕިކާއަށް ތައުރީފު ކޮށްފަ އެވެ. މީގެ ރައްދުގައި ދީޕިކާވަނީ ހިނިތުންވުމަކާއެކީ ސޯނަމްއަށް ޝުކުރު އަދާކޮށްފަ އެވެ.

ދީޕިކާ ޕަދުކޯން އާއި ރަންބީރު ކަޕޫރު ދެ އަހަރު ވަންދެން ލޯބީގެ ގޮތުން ގުޅިގެން އުޅުން ކަމަށްވެ އެވެ.

ޝޯގައި ރަންބީރުއަށް ނިސްބަތްކޮށް އެހެންބުނިތާ އަހަރެއް ފަހުން ފިލްމް ފެއާއަށް ދިން އިންޓަވިއުއެއްގައި ސޯނަމް ވަނީ އޭނާ "ކޮފީ ވިތް ކަރަން" މި ޝޯ މަތިން މުޅިން ފޫހިވެއްޖެ ކަމަށާއި ޝޯގެ ސަބަބުން ސޯނަމް އާއި ރަންބީރު އާ ދެމެދު އޮތް ރަހުމަތްތެރިކަމުގެ ގުޅުމަށް ހީނަރުކަމެއް އައިސްފައިވާ ކަމަށް ބުނެފަ އެވެ.

"ކޮފީ ވިތް ކަރަން" ޝޯގެ އެ އެޕިސޯޑްގެ ސަބަބުން ރަންބީރުގެ ދިރިއުޅުމަށް އޭގެ ނޭދެވޭ އަސަރުތަކެއް ކުރިކަމަށް ބޮލީވުޑް ހަންގާމާ އަށް ދިން އިންޓަވިއުއެއްގައި ރަންބީރު ވެސް ވަނީ ބުނެފަ އެވެ.