ކުރީގެ އަންހެނުން ކިމް ކާޑޭޝަންއާއެކު ދަރިން ހޯދުނީތީ ހިތާމަކުރާ ކަމަށް މަޝްހޫރު ރެޕް ލަވަކިޔުންތެރިޔާ ކާންޔޭ ވެސްޓް ބުނެފި އެވެ.

ޑީޖޭ އެކަޑަމިކްސްއަށް ދިން އިންޓަވިއުއެއްގައި ކާންޔޭ ބުނީ ކިމްއާއެކު ދަރިން ހޯދުމަކީ އޭނާ ބޭނުންވި ކަމެއް ނޫން ކަމަށާއި އެހެން ނަމަވެސް ކަންވީ އެހެން ނޫން ކަމަށެވެ.

ކާންޔޭ ވަނީ އޭނާގެ ދަރިންގެ ދިރިއުޅުމުގައި އޭނާގެ އެއްވެސް ބާރެއް ނޯންނަ ކަމަށް ބުނެ ކާޑޭޝަން އާއިލާއަށް ވަރަށް ބޮޑަށް ފާޑުކިޔާފަ އެވެ.

"އެ ދޮން އަންހެނާއާއި އޭނާގެ އާއިލާއިން އަހަރެންގެ ދަރިން އެ ގެންގުޅެނީ އަހަރެންގެ އެއްވެސް ބަހެއް ހޯދުމެއް ނެތި" ކާންޔޭ ބުނެފައިވެ އެވެ.

ކާންޔޭ މި ބީދައިން ވާހަކަ ދައްކާފައި މިވަނީ އޭނާގެ ދަރިފުޅު ނޯތުއާއި ޑިޑީ ފެނިގެންދާ ލަވައެއް ރިލީޒް ކުރިތާ ކުޑަ ދުވަސްކޮޅެއް ފަހުންނެވެ.

މި ލަވައާއެކު ކިމް އަންނަނީ ޖިންސީ ފުރައްސާރައިގެ ތުހުމަތުގައި ޖަލުގައި ދުވަސްތައް ހޭދަކުރަމުންދާ ޑިޑީއާއި އޭނާގެ ދަރިފުޅު ނޯތުގެ ނަން ގުޅުވާތީ އޭނާގެ ރައްކާތެރި ކަމަށް ކޯޓަށް ދާން ތައްޔާރު ވަމުންނެވެ.

2014 ވަނަ އަހަރުން ފެށިގެން 2021 ވަނަ އަހަރާ ހަމައަށް ކައިވެނި ކޮށްގެން އުޅުނު ކާންޔޭއާއި ކިމްއަށް ހަތަރު ކުދިން ލިބިފައިވާއިރު ވަރިއަށް ފަހު އެ ދެމީހުން އެކަކު އަނެކަކަށް ނަފްރަތު ކުރެ އެވެ.