ޗައިނީސް އާ އަހަރާ ދިމާކޮށް، މޯލްޑިވިއަންގެ ސީދާ ދަތުރުތައް ޗައިނާގެ ޝަންހާއީއަށް ފަށައިފި އެވެ.

ގައުމީ އެއާލައިންގެ ދަތުރުތައް ޝަންހާއީއަށް ފެށުމުގެ ގޮތުން ފުރަތަމަ ޗެކްއިންވި ފަސިންޖަރުންނަށް ވަނީ މަރުހަބާ ކިޔާފަ އެވެ.

ޗައިނާގެ ޝަންހާއީއަކީ މޯލްޑިވިއަން އިން މި މަހުގެ ހަ ވަނަ ދުވަހު ގެނައި ވައިޑް- ބޮޑީ މަތިންދާބޯޓުގެ ދަތުރުތައް ފެށި ތިންވަނަ މަންޒިލެވެ.

މޯލްޑިވިއަންގެ ވައިޑް-ބޮޑީ މަތިންދާބޯޓުގައި ފުރަތަމަ ދަތުރުތައް މިމަހުގެ 21 ވަނަ ދުވަހު ޗެންޑޫއަށެވެ. އަދި މިމަހުގެ 24 ވަނަ ދުވަހު ބެއިޖިންއަށް ވަނީ ދަތުރުތައް ފަށައިފަ އެވެ.

ޗައިނާއަށް ދަތުރުތައް ފަށައި މޯލްޑިވިއަން އިން ވަނީ ޓިކެޓް އަގުހެޔޮ ފެއާއެއް ވެސް ފަށާފަ އެވެ. މި ފެއާއިން މާކެޓްގައި ޗައިނާގެ ޓިކެޓް ހުރި އަގަށްވުރެ 30 ޕަސެންޓާއި 50 ޕަސެންޓާ ދެމެދުގެ އަގު ހެޔޮ ވާނެ ކަމަށް މޯލްޑިވިއަން އިން ބުނެ އެވެ.

ޗައިނާއަކީ މިހާރު ރާއްޖެއަށް އެންމެ ގިނައިން ޓޫރިސްޓުން އަންނަ ގައުމެެވެ.