ފާޑުކިޔުންތެރިންނާއި އާއްމުންގެ މެދުގައި ވެސް މަގުބޫލު ރިއަލިޓީ ޝޯއެއް ކަމަށްވާ "ޝާކް ޓޭންކްސް"ގެ 16 ވަނަ ސީޒަން މިއަދު ޕްރިމިއާ ކުރާނެ އެވެ.

މި ޝޯގެ މިފަހަރުގެ ސީޒަނުގައި ވެސް އާ ހިޔާލުތަކާއި އާ މޫނުތަކުގެ އިތުރުން ބެލުންތެެރިން ބަލާހިތްވާނެ ފަދަ މަޝްވަރާތައް ފެނިގެންދާނެ އެވެ.

"ޝާކް ޓޭންކްސް"އަކީ އެ ޝޯގެ ބައިވެރިން ވާދަވެރި މާހައުލެއްގައި ވިޔަފާރީގެ މަޝްވަރާތައްކޮށް އެންމެ ރަނގަޅު ހިޔާލެއް ގެންނަ ފަރާތެއް މޮޅުވާ ގޮތަށް ފަރުމާ ކުރެވިފައިވާ ރިއަލިޓީ ޝޯ އެކެވެ.

އެ ޝޯގެ 15 ސީޒަން މިހާތަނަށް ކާމިޔާބު ކަމާއެކު ނިންމާލެވިފައިވާއިރު އެއިން ކޮންމެ ސީޒަނެއްގައި ވެސް ބައިވެރިންނަށް ތަނަވަސް ފުރުސަތުތަކެއް ފަހިވެގެންދިޔަ އެވެ.

މިއަދުން ފެށިގެން ކޮންމެ ބުރާސްފަތި ދުވަހެއްގެ ހަވީރު 05:00ގައި މީޑިއާނެޓްގެ ޗެނަލް "ހިޓްސް ނައު"އިން އެ ޝޯ ދުރަށް ދައްކާނެ އެވެ.

ޝާކް ޓޭންކްސްއަކީ އެ ޝޯ ބަލާ ބެލުންތެރިންނަށް ވެސް ވިޔަފާރީގެ ފުރުސަތުތައް ތަނަވަސް ކުރަން ހިޔާލުތައް ލިއްބައިދޭ ޝޯއެކެވެ.