ޒާތީ ދިރިއުޅުމުގައި ގިނަ ގޮންޖެހުންތަކެއް ގިރާ ކުރުމަށްފަހު ހޮލީވުޑްގެ މަޝްހޫރު އެކްޓަރު ޖޮނީ ޑެޕް އެނބުރި މަސައްކަތަށް ނުކުމެއްޖެ އެވެ.

އެގޮތުން ޖޮނީ ވަނީ ބައޮގްރަފިކް ފިލްމެއް ކަމަށްވާ "މޯޑީ: ތުރީ ޑޭސް އޮން ދަ ވިންގް އޮފް މޭޑްނެސް"އާއެކު ޑައިރެކްޓަރުގެ ގޮނޑިއަށް އެނބުރި އައިސްފަ އެވެ.

ދާދި ފަހުން ބޭއްވި ރޯމް ފިލްމް ފެސްޓިވަލްގައި އެ ފިލްމާ ބެހޭ ގޮތުން ވާހަކަ ދައްކަމުން ޖޮނީ ބުނީ އެ ފިލްމާއި އޭނާގެ ހަޔާތާ ވެސް އެއްގޮތް ކަންތައްތަކެއް ހުރި ކަމަށެވެ.

މިދިޔަ ސެޕްޓެމްބަރު މަހު ރިލީޒް ކުރެވުނު އެ ފިލްމަކީ 1916 ވަނަ އަހަރު އިޓަލީގެ ޕެރިސްގައި ތިން ދުވަހަށް ކުރިއަށްދިޔަ ހަނގުރާމައިގެ ތެރޭގައި އެ ގައުމުގެ އާޓިސްޓް އެމީޑިއޯ މޮޑިޖިލާނީގެ ހަޔާތް ދައްކުވައިދޭ ފިލްމެކެވެ.

ޑެޕް ބުނި ގޮތުގައި މި ފިލްމުގެ ހިޔާލު އެންމެ ފުރަތަމަ އޭނާއަށް ލިބުނީ 1997 ވަނަ އަހަރު އަލް ޕަސީނޯގެ ފަރާތުން ކަމަށާއި އެ ހުވަފެން ހަގީގަތަކަށް މިވީ އޭގެ ދެ ދަހަރު ފަހުން ކަމަށެވެ.

ޖޮނީ ޑެޕް ހޮލީވުޑްގެ މަސައްކަތްތަކަށް އެނބުރި އައިސްފައި މިވަނީ އޭނާގެ ކުރީގެ އަންހެނުން އެމްބާ ހާޑްއާއެކު ކުރިއަށް ދިޔަ ގާނޫނީ ކޯޅުންގަނޑަށް ފަހުގަ އެވެ.

އެގޮތުން ޖޮނީ އެމްބާގެ މައްޗަށް ކުރި އަބުރުގެ ދައުވާ ކާމިޔާބު ކޮށް ގެއްލުމުގެ ބަދަލުގައި އެމްބާގެ ފަރާތުން ޖޮނީއަށް ފަސް މިލިއަން ޑޮލަރު ދޭން ޖެހޭ ކަމަށް ކޯޓުން ހުކުމްކުރި އެވެ.