މިހާރު ސިނަމާތަކުގައި ދައްކަމުން އަންނަ ބޮލީވުޑް ފިލްމު "އެނިމަލް"އަށް އާއްމުންގެ ހޫނު ތަރުހީބެއް އަންނަނީ ލިބެމުންނެވެ. އެއާއެކު އެ ފިލްމާ ގުޅޭ އެކި ވާހަކަތައް މީޑިއާގައި އަންނަނީ ދެކެވެމުންނެވެ.

އެގޮތުން މީޑިއާގައި ފެންމަތިވި އެއް ކަމަކީ އެ ފިލްމުގެ ބައެއް މަންޒަރުތައް ކުޅެފައިވާ ހާއްސަ ލޮކޭޝަން އެކެވެ. އެއީ ބޮލީވުޑްގެ ތަރި ސައިފް އަލީ ޚާންގެ މުސްކުޅި ގެ ކަމަށްވާ "ޕަތޯޑީ ޕެލެސް" އެވެ.

ހަބަރުތައް ބުނާ ގޮތުގައި އެ ފިލްމުގައި ރަންބީރުއާއި އޭނާގެ އާއިލާ ދިރިއުޅޭ ގެއަކީ ދިއްލީގެ ބޭރުން ހުންނަ ސައިފްގެ"ޕަތޯޑީ ޕެލެސް" އެވެ.

އެގޮތުން އެ ފިލްމުގެ އެކި މަންޒަރުތަކުގައި ޕަތޯޑީ ޕެލެސްގެ އެކި ތަންތަން ވަރަށް ސާފުކޮށް ފެނެ އެވެ. މީގެ ކުރިން އެހާ ސާފުކޮށް އެގޭގެ އެތެރެ ފެނިފައެއް ނުވެ އެވެ.

މި ހަބަރުތަކުގެ އިތުރުން އެނިމަލްގެ ޝޫޓިން ކުރިއަށް ދިޔަ ދުވަސްވަރު އެ ފިލްމުގެ ބައެއް ކްރޫއިން ވެސް ވަނީ އެ ގަނޑުވަރުގެ މަންޒަރުތައް ސޯޝަލް މީޑިއާގައި ހިއްސާ ކޮށްފަ އެވެ.

ބޮލީވުޑް ޝާހީ އާއިލާއެއް ކަމަށްވާ ޕަތޯޑީ އާއިލާގެ ތާރީހީ ގެ މިހާރު ހުންނަނީ ސައިފް އަލީ ޚާންގެ ނަންމަތީގަ އެވެ. އޭނާއަށް އެ ގެ ލިބުނީ ބައްޕަ މަންސޫރު އަލީ ޚާންގެ ފަރާތުންނެވެ.