ސިނަމާތަކުގައި މހާރު ދައްކަމުން އަންނަ ބޮލީވުޑް ފިލްމް "އެނިމަލް"އަށް ލިބެމުން އަންނަ ބޮޑު ތަރުހީބާއެކު އެ ފިލްމުގެ އެކްޓަރެއް ކަމަށްވާ ބޮބީ ޑިއޯލްގެ ލޮލުން ކަރުނަ ފާއްދާލައިފި އެވެ.

ސޯޝަލް މީޑިއާގައި މިހާރު ދައުރުވަމުން އަންނަ ވީޑިއޯއެއްގައި ބޮބީ މީހުންތަކުގެ ތެރެއިން ކާރަކަށް އަރައި އަތުގެ ނުފުށުން ލޯ ފުހެލަ އެވެ. އަދި އެއަށްފަހު އެއްވެ ތިބި މީހުންނަށް އަތުގެ އިޝާރާތުން ސަލާމް ކުރެ އެވެ.

އެނިމަލް އެޅުވިތާ އެންމެ ދެ ދުވަސް ތެރޭގައި އެ ފިލްމަށް 200 ކްރޯޑް ރުޕީސްގެ އާމްދަނީއެއް ވަނީ ލިބިފަ އެވެ. އޭގެ އިތުރުން އެ ފިލްމުން ވަނީ ފުރަތަމަ ދުވަހު ހަމައެކަނި އިންޑިއާއިން ދެވަނައަށް އެންމެ ބޮޑު އާމްދަނީއެއް ހޯދި ފިލްމުގެ ޝަރަފު ވެސް ހޯދާފަ އެވެ. އެއީ 60 ކްރޯޑް ރުޕީސް އެވެ. އެ ލިސްޓުގެ ކުރީގައި އޮތީ ޝާހްރުކް ޚާންގެ ޖަވާން އެވެ.

https://www.instagram.com/reel/C0XNVrlyDir/?utm_source=ig_embed&ig_rid=f50b7db4-4859-4647-aa93-b2d3688dae60

ރަންބީރު ކަޕޫރާއި ރަޝްމިކާ މަންދަނާ މުހިއްމު ރޯލުތަކުން ފެންނަ "އެނިމަ" ލްގައި ބޮބީ ފެންނަނީ އެންޓެގަނިސްޓެއްގެ ގޮތުގަ އެވެ.

ބޮބީއަކީ 1990ގެ އަހަރުތަކުން ފެށިގެން ބޮލީވުޑްގައި ހަރަކާތްތެރި ވަމުން އައި ތަރިއެއް ނަމަވެސް ނިސްބަތުން އޭނާގެ ކާމިޔާބު ފިލްމުތައް ވަރަށް މަދު ތަރި އެކެވެ.

ފިލްމުގައި ބޮބީ ދައްކުވައިދިން އެކްޓިންއަށް އާއްމުންގެ އިތުރުން ބޮލީވުޑްގެ ތަރިން ވެސް އަންނަނީ ތައުރީފްކޮށް ޝުއޫރު ފާޅު ކުރަމުންނެވެ.