ހުޅުމާލޭގެ ދެވަނަ ފިޔަވަހީގެ ހިޔާ ފްލެޓްގައި މަސައްކަތްކުރާ ބިދޭސީން ތިބޭ އެކަމަޑޭޝަން ބްލޮކެއްގައި އަލިފާން ރޯވެއްޖެ އެވެ.

އެމްއެންޑީއެފުން ބުނީ މި ހާދިސާގެ ރިޕޯޓް ލިބިފައި ވަނީ 11:08 ގައި ކަމަށެވެ. އަދި މިހާރު އަލިފާންގަނޑު ކޮންޓްރޯލްކުރެވިފައިވާ ކަމަށް ވެސް އެމްއެންޑީއެފް އިން ބުންޏެވެ.

އެމްއެންޑީއެފް އިން ބުނީ މި ހާދިސާގައި އެއްވެސް މީހަކަށް ގެއްލުމެއް ނުލިބޭ ކަމަށާއި ނަމަވެސް އަލިފާން ރޯވި އެކޮމަޑޭޝަން ބްލޮކަށް ގެއްލުންތަކެއް ލިބިފައިވާ ކަމަށް ބުންޏެވެ.

އެމްއެންޑީއެފް އިން ބުނީ އެތަނުގައި ރޯވީ ކަރަންޓް ޝޯޓެއް ވެގެން ކަމަށެވެ.