ނޫސްވެރިއަކަށް މާލޭގެ މަގުމަތިން ހަމަލާދީ ޒަހަމްކޮށްލައިފި އެވެ.

އެ ނޫސްވެރިޔާއަށް ހަމަލާދީފައިވަނީ މަގުމަތިން އެކަނި ދަނިކޮށް ގުރޫޕަކުން އައިސް ކަމަށްވެ އެވެ.

މި ހާދިސާގައި އަނިޔާ ލިބުނު ނޫސްވެރިއާ އައިޖީއެމްއެޗަށް ގެންގޮސް ވަނީ ފަރުވާދީފަ އެވެ. އަދި އޭނާއަށް ސީރިއަސް އަނިޔާއެއް ލިބިފައެއް ނުވެ އެވެ. އަދި މިހާރު އޭނާއަށް ފަރުވާދިނުމަށްފަހު ހޮސްޕިޓަލުން ދޫކޮށްލާފައިވާ ކަމަށްވެ އެވެ.

މި ހާދިސާގައި އަނިޔާ ލިބުނު ނޫސްވެރިއާއަށް ހަމަލާ ދިނީ ކޮން ސަބަބަކާ ގުޅިގެން ކަމެއް ސާފެއްނުވި އެވެ. އަދި މިކަމާ ގުޅިގެން ފުލުހުންގެ ބަހެއް ވެސް ނުލިބެ އެވެ.