ބޮލީވުޑް އެންމެ މަޝްހޫރު އެއް ބަތަލާ ކަރީނާ ކަޕޫރު ސްކޫލް ދައުރުގައި ބަނޑުބޮޑުވި ވާހަކަތަކަކީ އައު ވާހަކަތަކެއް ނޫނެވެ. ހަމައެހެންމެ ކަރީނާ ބޯޑިން ސްކޫލަކަށް ވެއްދި ވާހަކަތަކަކީ ވެސް އޭނާ އަބަދު ނުރުހުންތެރިކަމާއެކު ދައްކާ ވާހަކަތަކަކެވެ.

އޭގެ ފަހަތުގައިވާ ހަގީގަތަކީ ވަރަށް މަދު ފަހަރަކު އޭނާގެ ފަރާތުން މީހުންނަށް އެނގިފައިވާ ވާހަކަތަކެވެ.

އިންޑިއާގެ ނޫހަކަށް ދިން އިންޓަވިއުއެއްގައި ކަރީނާ ވަނީ އޭނާގެ މަންމަ ބަބީތާ ކަޕޫރް، އޭނާ ބޯޑިން ސްކޫލަށް ވެއްދި ސަބަބު ކިޔައިދީފަ އެވެ.

ކަރީނާ ބުނާގޮތުގައި އޭނާ ބޯޑިން ސްކޫލަށްލީ، އޭރު އޭނާ ފިރިހެން ކުއްޖަކާއެކު އޮތް ގުޅުން ހައްދުން ނައްޓައިގެން ދިއުމުންނެވެ. އަދި އެކަމުގެ ސަބަބުން ވަރަށް ބޮޑެތި ކަންކަމާ ކުރިމަތިލާން ޖެހުނު ކަމަށް ވެސް ކަރީނާ ވަނީ ބުނެފަ އެވެ.

އޭނާ ބުނީ އެކި ފަހަރުމަތިން އޭނާގެ ރައްޓެހިންނާއި އާއިލާ މީހުން ވެސް ވަނީ ކަރީނާ ސްކޫލް ދައުރުގައި އުޅެނިކޮށް، ބަނޑުބޮޑުވިކަން ކަށަވަރުކޮށްދީ، ވާހަކަ ދައްކާފަ އެވެ. ކަރީނާގެ ރައްޓެހިން މީޑިއާތަކަށް ބުނިގޮތުގައި އޭނާ ބޯޑިން ސްކޫލަށްލީ، ކަރީނާ ބަނޑުބޮޑުވުމުން، އެބޯޝަން ހެދުމަށް ފަހުގަ އެވެ.

އެކަމުގެ ސަބަބުން އާއިލާ ތެރޭގައި މައްސަލަތައް ހިނގި ކަމަށާއި، އެހެންނަމަވެސް ކަރީނާ ބޯޑިން ސްކޫލަށް ވެއްދުމަށްފަހު، އޭނާގެ އަދަބާއި އަހުލާގަށް ރަނގަޅު، އެދެވޭ ބަދަލުތަކެއް އައިކަން ފާހަގަވިކަމަށް ކަރީނާގެ ގާތް ރަހުމަތްތެރިއަކު އިންޑިއާގެ ނޫސްތަކަށް ކިޔައިދީފައިވެ އެވެ.

މިހާރު ކަރީނާއަކީ ދެ ކުދިންގެ މަންމަ އެކެވެ. އެއީ ސައިފްއާއެކު ކައިވެނިކުރުމަށްފަހު ލިބުނު ތައިމުރް އަލީ ޚާން ޕަތޯޑީ އާއި، ޖެހަންގިރް އަލީ ޚާން ޕަތޯޑީ އެވެ.