ދިވެހި ފިލްމީ އިންޑަސްޓްރީގައި މިހާރު އެންމެ ކާމިޔާބު ޕްރޮޑަކްޝަން ހައުސް ޑާކްރެއިން އެންޓައިމަންގެ "ޖަންޕް" އިން ނަސްރުގެ ދުވަހަށް ތައްޔާރުކޮށްފައިވާ ކުރު ފިލްމު "އޯ ވަޒަން" ގެނެސްދިނުމަށް ނިންމައިފި އެވެ.

ޑާކްރެއިން އިން ބުނީ "އޯ ވަޒަން" ފިލްމަކީ 1988 ވަނަ އަހަރުގެ ނޮވެމްބަރު މަހު ރާއްޖެއަށް ދިމާވި އުދުވާނީ ހަމަލާއިން ސަލާމަތްވެ ދިވެހިންނަށް ނަސްރު ލިބުނު ގޮތް ކިޔައިދޭ ކުރު ފިލްމެކެވެ.

ފިލްމުގައި އެ ބިރުވެރި ދުވަހުގެ ހަނދާންތައް އަދުގެ ޅަ ޖީލަށް އެނގޭ މިންވަރާއި ދިވެހި އަބްތާލުން ގައުމަށްޓަކައިވި ގުރުބާނީ އާއި ކުރެއްވި ގައުމީ ޖިހާދުގެ މައުލޫމާތު އެނގުމުގެ މުހިންމުކަމާއި ގުޅުވާލާފައިވާނެ ކަމަށް ޑާކްރެއިން އިން ބުންޏެވެ.

https://www.facebook.com/photo/?fbid=4995709747123814&set=a.785706638124167

ޑާކްރެއިން ޖަމްޕް އަކީ ފިލްމީ ދާއިރާއަށް އަލަށް ނިކުންނަ މީހުންގެ ހުނަރު ދައްކާލާ އެ މީހުންގެ މަސައްކަތްތައް މުޖްތަމައުއަށް ތައާރަފު ކޮށްދިނުމަށް އެހީތެރިވެދިނުމުގެ ގޮތުން 2019 ވަނަ އަހަރު އުފެއްދި ފްލެޓްފޯމެކެވެ. އެގޮތުން ފިލްމީ މަސައްކަތުގައި ހަރަކާތްތެރިވާ އަމިއްލަ ފަންނުވެރިންގެ ހުނަރު ވީހާވެސް ގިނަ ބަޔަކާ ހަމައަށް ގެނެސްދިނުމަށް ޑާކްރެއިންގެ ޝޯޝަލް މީޑިއާ ޕްލެޓްފޯމްތައް ބޭނުން ކުރާނެ އެވެ.

ޑާކްރެއިން އިން ބުނ މިގޮތުން މިދާއިރާގައި ހަރަކާތްތެރިވާ އިންޑިޕެންޑެންޓް ފަންނުވެރިންގެ ހުނަރު، ވީހާވެސް ގިނަބަޔަކަށް ފެންނާނެ ގޮތަށް، ޑާކްރެއިންގެ ސޯޝަލް މީޑިއާގެ ޕްލެޓްފޯމްތަކުގެ ޒަރީއާއިން އާންމުންނާ ހަމައަށް ފޯރުކޮށްދެވުމުން، އަލަށް މިދާއިރާއަށް ނުކުންނަ ހުނަރުވެރި ފިލްމީ އުފެއްދުންތެރިންނަށް، އެމީހުންގެ އަމިއްލަ ފައިމައްޗަށް ތެދުވެ މަސައްކަތް ކުރުމަށް މަގުފަހިވެގެން ދާނެ ކަމަށް ދެކޭ ކަމަށެވެ.