ދިރާގު އެޕްއިން ކޮންމެ ދުވަހަކު ކާށި ބިނދެގެން އަގުހުރި އިނާމުތަކެއް

މިއަހަރުގެ ރަމަޟާން މަހާ ގުޅިގެން، ދިރާގު އެޕް މެދުވެރިކޮށް "ކާށި ބިނދެގެން" ޗައިނާއަށް ދިއުމުގެ ފުރުސަތު ލިބޭ ހާއްސަ ޕްރޮމޯޝަނެއް ތައާރަފުކޮށްފި އެވެ. މި ޕްރޮމޯޝަން މެދުވެރިކޮށް ކަސްޓަމަރުންނަށް އަގުހުރި އިނާމުތަކެއް ހޯދުމުގެ ފުރުސަތު ލިބިގެންދާނެ އެވެ.

މި ޕްރޮމޯޝަން ކުރިއަށްދާނީ ކޮންމެ ދުވަހެއްގެ މެންދުރު 1:00އިން ފެށިގެން ހަވީރު 6:00 އާ ހަމައަށެވެ. ދިރާގު އެޕްއިންް "ކާށި ބިނދެގެން" ކޮންމެ ދުވަހަކުވެސް 2ޖީބީގެ ހިލޭ ޑޭޓާ ހޯދުމުގެ ފުރުސަތު އޮންނާނެ އެވެ. އަދި މެދުކެނޑުމެ އްނެތި 30 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް، ދެ މީހަކަށް ޗައިނާގެ ޝަންހާއީގައި އެއް ހަފުތާގެ ޗުއްޓީއެއް ހޭދަކުރުމުގެ ފުރުސަތު ލިބިގެންދާނެ އެވެ.

ކޮންމެ ދުވަހަކު ލިބޭ ޑޭޓާގެ އިތުރުން، ވިދިވިދިގެން 5 ދުވަސް، 10 ދުވަސް ނުވަތަ 20 ދުވަހު ކާށި ބިނދެގެން ކަސްޓަމަރުންނަށް 1ޓީބީއާ ހަމައަށް ހިލޭ ޑޭޓާ ލިބިގެންދާނެ އެވެ. މީގެ އިތުރުން، މެދުކެނޑުމެއްނެތި 10 ދުވަހު ކާށި ބިންނަ ކަސްޓަމަރުންގެ މެދުގައި ނަގާ ގުރުއަތުން ހޮވޭ ނަސީބުވެރިއަކަށް ސެމްސަންގް ގެލެކްސީ ވޮޗް އަލްޓްރާއެއް ލިބިގެންދާނެ އެވެ. އަދި، ޖެހިޖެހިގެން 20 ކާށި ބިންނަ ކަސްޓަމަރުންނަށް ސެމްސަންގް ގެލެކްސީ އެސް 26 އަލްޓްރާ ފޯނެއް ހޯދުމުގެ ފުރުސަތު ލިބިގެންދާނެ އެވެ.

މި ޕްރޮމޯޝަންގެ މައިގަނޑު މަގްސަދަކީ ބަރަކާތްތެރި ރަމަޟާން މަހުގައި، ހިލޭ ޑޭޓާ އާއި އަގުހުރި އިނާމުތަކާއެކު ޑިޖިޓަލް ވަސީލަތްތައް މެދުވެރިކޮށް ގުޅުންތައް ބަދަހިކުރުމުގެ ފުރުސަތު ކަސްޓަމަރުންނަށް ފަހިކޮށްދިނުމެވެ. ދިރާގުން ދަނީ ކަސްޓަމަރުންނަށް ފައިދާކުރަނިވި، އަދި އައު ތަޖުރިބާތަކެއް ލިބިގެންދާނެ ފަދަ ހިދުމަތްތަކާއި ޕްރޮމޯޝަންތައް ފޯރުކޮށްދެމުންނެވެ.