ފީނަން ފޭބި ފަތުރުވެރިޔަކު މަރުވެއްޖެ އެވެ.

ފުލުހުން ބުނީ އދ. އަތޮޅުގެ ރިސޯޓެއްގެ ފުއްޓަރު ފަރާތަށް ފީނަން ފައިބާ އުޅުނު އެމެރިކާގެ ޓޫރިސްޓަކު މަރުވި މައްސަލައެއް ބަލަމުން އަންނަ ކަމަށެވެ.

މި ހާދިސާގެ ރިޕޯޓް ފުލުހުންނަށް ލިބިފައިވަނީ މިދިޔަ އާދިއްތަ ދުވަހު މެންދުރު 12:30 ހާއިރު އެވެ.

މި ހާދިސާގައި ނިޔާވެފައިވަނީ އުމުރުން 47 އަހަރުގެ އެމެރިކާ އަށް ނިސްބަތްވާ ފިރިހެން ފަތުރުވެރިއެއް ކަމަށް ބުނެފައިވާއިރު، މި ހާދިސާ ހިނގާފައިވަނީ ކޮން ރިސޯޓެއްގައިކަން ފުލުހުން ހާމަކޮށްފަ އެއް ނުވެ އެވެ.