ދެކުނު އިރުމަތީ އިންޑިއާ ކަނޑުގެ ސަރަހައްދަށް ބާރުގަދަ ބިންހެލުމެއް އަތުވެއްޖެ އެވެ.

ނޭޝަނަލް ސެންޓާ އޮފް މެޓްރޮލޮޖީ (އެންސީއެމް) އިން ބުނީ ދެކުނު އިރުމަތީ އިންޑިއާ ކަނޑުގެ ސަރަހައްދަށް 6.4 މެގްނިޓިއުޑްގެ ބާރުމިނުގެ ބިންހެލުމެއް އައިސްފައިވަނީ މިއަދު ހެނދުނު ކަމަށެވެ. އެއީ ޔޫއޭއީ ގަޑިން ފަތިހު 3:20 ގައި ކަމަށް އެންސީއެމް އިން ވަނީ ބުނެފަ އެވެ.

އެންސީއެމްގެ ނޭޝަނަލް ސިސްމިކް ނެޓްވޯކުން ބުނީ މި ބިންހެލުން ރެކޯޑް ކުރެވިފައިވަނީ 75.3 ކިލޯމީޓަރު އަޑިން ކަމަށެވެ.

މި ބިންހެލުމާއި ގުޅިގެން އެއްވެސް ގެއްލުމެއް ލިބުނު ކަމަށް ރިކޯޑް ކުރެވިފައެއް ނުވެ އެވެ.