ސްކޫލުތަކަށް ޓެކްސްޓް ފޮތްތައް ފޮނުވަން ފަށައިފި
ޑިސްކައުންޓް ދިނީމަވެސް ބިލް ކުޑަނުވީ ހޫނު ގަދަވީމަ: ސްޓެލްކޯ
ޕޮމްޕޭ: އަލަށް ފެނުނު ސްޓެޗޫ ތަކަކުން އިތުރު ސިއްރުތަކެއް!
އިލްމު އުނގެނި އެއާ އެއްގޮތަށް އަމަލުކުރާ މީހުންނަށް ލިބޭ މަންފާ ބޮޑުކަމަށް މިއަދުގެ ހުކުރު ހުތުބާގައި ވިދާޅުވެއްޖެ އެވެ.
ހުތުބާގައި، މާތްﷲ އަށް އެންމެ ބޮޑަށް ބިރުވެތިވާ މީހުންނަކީ އިލްމުވެރިން ކަމަށް ފާހަގަކުރައްވާފައިވާއިރު، އިލްމުވެރިންނަށް މާތްﷲ ހާއްސަ ކަމެއް ދެއްވާފައިވާ ކަމަށްވެސް ވިދާޅުވި އެވެ.
އިލްމުވެރިޔާގެ ފަރާތުން މީސްތަކުންނަށް ކުރާ މަންފާ ބޮޑުވާނެ ކަމަށާއި، އަޅުވެރިޔާގެ އަޅުކަމުގެ މަންފާ ކުރާނީ އޭނާގެ އަމިއްލަ ނަފުސަށް ކަމަށް ހުތުބާގައި ވިދާޅުވި އެވެ.
އިލްމުގެ މަގާމު މަތިވެރިކަމާއި، ނަބިއްޔާ އިލްމު އުނގެނުމަށް ބާރުއެޅުއްވި ކަން ހުތުބާގައި ފާހަގަކުރެއްވި އެވެ. އަދި ބަދުރު ހަނގުރާމައިގެ އަސީރުންނަށް ލިޔަންކިޔަން ދަސްކޮށްދިނުމުން މިނިވަންވުމުގެ ފުރުސަތު ދެއްވި ކަމަށް ވެސް ހުތުބާގައި ވިދާޅުވި އެވެ.
ހުތުބާގައި ވިދާޅުވެފައި ވަނީ ޝަރުއީ އިލްމު އުނގެނުމަށް ވަގުތު ހުސްކުރުމަކީ ވަރަށް މުހިންމުކަމެއް ކަމަށެވެ. އަދި އިލްމު އުނގެނުމަކީ ތިމާއަށާއި އެހެން މީހުންނަށް ފައިދާކުރާނެ ކަމެއް ކަމަށާއި، އިލްމުވެރިޔާ މަރުވުމަށްފަހުގައި ވެސް އޭނާގެ އިލްމުގެ ފައިދާ ކުރާނެ ކަން ހުތުބާގައި ވިދާޅުވެފައިވެ އެވެ.
މިއަދުގެ ހުކުރު ހުތުބާ ނިންމަވާލެއްވީ ދީނުގެ އިލްމު ލިބިގަތުމަށް ގަދައަޅައި މަސައްކަތްކުރުމަށް އިރުޝާދު ދެއްވަމުންނެވެ.
