ކިމް ކާޑޭޝިއަންގެ ކުރީގެ ބައިވެރިޔާ މަޝްހޫރު ރެޕަރު ކާންޔޭ ވެސްޓްގެ ހާއްސަ ޑީޖޭ އެއް ރީތިރަށް ރިސޯޓްގައި ރޭ ބާއްވައިފި އެވެ.

އާ އަހަރަށް މަރުހަބާ ކިޔުމުގެ ގޮތުން ރީތިރަށް ރިސޯޓްގައި ކާންޔޭގެ ޑީޖޭ ބާއްވާފައިވަނީ އެ ރިސޯޓްގައި ހުންނަ ޖަޕާނުގެ މަޝްހޫރު ޓަޕަސެކް ރެސްޓޯރެންޓުގަ އެވެ.

ކާންޔޭ ވެސްޓް

ޖަޕާނުގެ ހާއްސަ ބްރޭންޑެއް ކަމަށްވާ އެ ރެސްޓޯރެންޓަކީ މޫދުގައި އެއްބައި ހަދާފައިވާ 300 އަށް ވުރެ ގިނަ މީހުންގެ ޖާގައިގެ ރެސްޓޯރެންޓެކެވެ.

އެނގިފައިވާ ގޮތުގައި ކާންޔޭގެ ޑީޖޭއާއެކު މުޅި ރެސްޓޯރެންޓް އޮތީ ފުރިފަ އެވެ. ރޭގައި މޫސުން ގޯސްކޮށް އޮތްނަމަވެސް ރީތިރަށް ރިސޯޓުގެ އާއަހަރު ފާހަގަކުރުމަށް ބޭއްވި މި ހާއްސަ ޑީޖޭގައި ގިނަ ބަޔަކު ވަނީ ބައިވެރިވެފަ އެވެ.