ހޮލީވުޑްގެ މަޝްހޫރު ރެޕް ލަވަކިޔުންތެރިޔާ ކާންޔޭ ވެސްޓަށް ޖިންސީ ފުރައްސާރައިގެ ތުހުމަތުތަކެއް ކުރެވި އެ މައްސަލަ ކޯޓަށް ހުށައަޅައިފި އެވެ.

ކާންޔޭއާ ދެކޮޅަށް މައްސަލަ ހުށައަޅާފައިވަނީ 2010 ވަނަ އަހަރު ނުކުތް އޭނާގެ މިއުޒިކް ވީޑިއޯ "އިން ފޯ ދަ ކިލް"ގައި ހަރަކާތްތެރިވި މޮޑެލް ޖެން އޭން އެވެ.

ޖެން ހުށައެޅި މައްސަލާގައި އޭނާ ބުނެފައިވަނީ މިއުޒިކް ވީޑިއޯގެ ޝޫޓިން ކުރިއަށް ދިޔަ ދުވަސްވަރު ކާންޔޭގެ ފަރާތުން ބަދު އަހުލާގީ އަމަލުތަކެއް ފެނިފައިވާ ކަމަށެވެ.

އެގޮތުން މަސައްކަތުގެ މާހައުލުގައި ކުރުން އެދެވިގެންނުވާ ބައެއް ކަންކަން ކުރަން ވެސް ކާންޔޭ އޭނާއަށް މަޖުބޫރު ކުރުވި ކަމަށް ޖެން ބުނެފައިވެ އެވެ.

ޖިންސީ ތަފާތު ކުރުމާއި ފުރައްސާރައިގެ މައްސަލަ ޖެން ހުށައަޅާފައިވަނީ ކާންޔޭއާއި އެ ވީޑިއޯ އުފެއްދި ޔުނިވާސަލް ގްރޫޕްއާ ދެކޮޅަށެވެ.

ފާހަގަކޮށްލަން ޖެހޭ ކަމަކީ ޝޫޓިންގެ ތެރެއިން ނަގާފައިވާ ބޭއަދަބީ މަންޒަރުތަކެއް ކަމަށް ބުނެ ޖެންގެ މައްސަލާގައި ކިޔައިދީފައިވާ މަންޒަރުތައް މިއުޒިކް ވީޑިއޯގައި ހިމަނާފައި ނުވާ ކަމެވެ.