ހޮލީވުޑްގެ މަޝްހޫރު ދެ ތަރިން ކަމަށްވާ ބެން އެފްލެކްއާއި ޖެނިފާ ލޮޕޭޒްގެ ކައިވެނި ނިމުމަކަށް އައީ ޖެނިފާގެ ކުރީގެ ލޯބިވެރިޔާ ސޯން ޖޯން ކޮމްބްސް (ޑިޑީ)ގެ ސަބަބުން ކަމަށް ހަބަރުތައް ބުނަން ފަށައިފި އެވެ.

މި ހަބަރުތައް ފެތުރެން ފަށާފައި މިވަނީ ބެންއާއި ޖެނިފާގެ ވަރީގެ މައްސަލަ ކުރިއަށް ދިޔައިރު ޑިޑީއާއި ޖެނިފާ ލޯބީގެ ގޮތުން ގުޅިގެން އުޅުނު ދުވަސްވަރުގެ ވީޑިއޯތަކާއި ފޮޓޯތައް ފެންމަތިވެފައި ވަނިކޮށެވެ.

ހޮލީވުޑްގެ ރެކޯޑް އެގްޒެކިއުޓިވް ސުގޭ ނައިޓްގެ ޕޮޑްކާސްޓްގައި އޭނާ ބުނެފައިވަނީ ޖެނިފާއާއި ޑިޑީގެ ގުޅުމުގެ ވާހަކަ ބެންއަށް އެނގުމުން އޭނާ ޖެނިފާ ވަރިކުރީ ކަމަށެވެ.

މީގެ އިތުރުން ވެސް ނައިޓް ވަނީ ޖެނިފާއާއި ޑިޑީއާ ގުޅުވައިގެން ގިނަ ވާހަކަތަކެއް ދައްކާފަ އެވެ. އެގޮތުން 2001 ވަނަ އަހަރު ނައިޓްކްލަބްއެއްގައި ހިނގާދިޔަ ބަޑިޖެހުމުގެ ހާދިސާއެއްގައި އެދެމީހުން އޮޅުވާލައިގެން އެހެން ތަރިއަކު އެ މައްސަލައިގެ ތެރެއަށް ވައްދާފައިވާ ކަމަށް ވެސް ނައިޓް ބުންޏެވެ.

ޑިޑީއާއި ޖެނިފާ ލޯބީގެ ގޮތުން ގުޅިގެން އުޅުނީ 1999 ން 2001 އަށެވެ. އެ ދެމީހުންގެ ގުޅުން ފެށުނީ ޖެނިފާގެ ފުރަތަމަ ކައިވެނި ރޫޅުނު ފަހުންނެވެ.

މިފަހުން ޑިޑީ އާއްމުންގެ ސަމާލުކަމަށް އައިސްފައިވަނީ އޮރިޔާން ކާޑު ގެންގުޅުމުގެ މައްސަލައެއްގައި މިދިޔަ މަހު ފުލުހުން އޭނާ ހައްޔަރު ކުރުމުންނެވެ. މިވަގުތު ވެސް އޭނާ ހުރީ ފުލުހުންގެ ހައްޔަރުގަ އެވެ.