ރަސްމީ ދަތުރުފުޅެއްގައި ނައިބު ރައީސް ހުސައިން މުހައްމަދު ލަތީފް ށ. މާއުނގޫދޫއަށް ވަޑައިގެންފި އެވެ.

ރައީސް އޮފީހުން ބުނީ ނައިބު ރައީސްގެ މި ދަތުރުފުޅަކީ އެ ރަށުގައި ކުރިއަށް ގެންދާ ގައުމީ ދުވަހުގެ ހަރަކާތްތަކުގައި ބައިވެރިވެވަޑައިގަތުމަށް ކުރަށްވާ ދަތުރުފުޅެއް ކަމަށެވެ.

ނައިބު ރައީސްގެ ދަތުރުފުޅުގައި ގައުމީ ދުވަސް ފާހަގަކުރުމަށް އަތޮޅު ފެންވަރުގައި ބާއްވާ ރަސްމީ ހަރަކާތުގައި ބައިވެރިވަޑައިގަތުމަށް ވަނީ ހަމަޖެހިފަ އެވެ.

މި އަހަރުގެ ގައުމީ ދުވަހުގެ ރަސްމީ ޖަލްސާ ބާއްވާފައި ވަނީ ހއ. އުތީމުގަ އެވެ.