ރަސްމީ ދަތުރުފުޅެއްގައި ރާއްޖޭގެ ތިން ވަޒީރަކު ޗައިނާ އަށް ފުރާވަޑައިގެންފި އެވެ.

މި ދަތުރުފުޅުގައި ޗައިނާ އަށް ވަޑައިގެންނެވީ ފޮރިން މިނިސްޓަރު މޫސާ ޒަމީރާއި، ފިނޭންސް މިނިސްޓަރު މުހައްމަދު ޝަފީގާއި، ކޮންސްޓްރަކްޝަން މިނިސްޓަރު އަބްދުﷲ މުއްތަލިބެވެ.

މި ދަތުރުފުޅުގައި ޗައިނާގެ ހާރިޖީ ވަޒީރާ ބައްދަލުކުރެއްވުމާއި ޗައިނާ ސަރުކާރުގެ އިސްވެރިންނާ ބައްދަލުކުރެއްވުން އޮންނާނެކަމަށް ފޮރިން މިނިސްޓްރީން ބުނެ އެވެ. ޗައިނާގެ ގިނަ ކުންފުނިތަކަކާ ބައްދަލުކުރުމަށް ވެސް ހަމަޖެހިފައިވެ އެވެ.

މި މަހުގެ 20 އިން 24 އަށް ތިން މިނިސްޓަރުން ޗައިނާއަށް ކުރައްވާ މި ދަތުރުފުޅަކީ ޗައިނާގެ ފޮރިން މިނިސްޓަރު ވަންގް ޔީ، ރާއްޖޭގެ ފޮރިން މިނިސްޓަރަށް ދެއްވި ދައުވަތަކަށް ކުރައްވާ ދަތުރުފުޅެއްކަމަށް ފޮރިން މިނިސްޓްރީން ބުނެ އެވެ.

މި ދަތުރުގައި ވަޒީރުންގެ އަރިހުގައި ސަރުކާރުގެ އިސްވެރިންގެ ވަފުދެއް، ބައިވެރިވެ ވަޑައިގަންނަވާ ކަމަށް ވެސް މިނިސްޓްރީން ބުނެ އެވެ.