ޣައްޒާގެ ހަނގުރާމަ ހުއްޓާލުމުގެ ގަރާރު އެމެރިކާއިން ވީޓޯކޮށްފި
ޕާޓީން ވަކިކުރުމުން ގޮނޑިގެއްލޭ އިސްލާހު ތަސްދީގު ކުރައްވައިފި
ނަތަންޔަހޫ ހައްޔަރުކުރަން އައިސީސީން އަމުރެއް ނެރެފި
މި ހަފްތާ ވެގެން ދިޔައީ ވަރަށް ގިނަ ގައުމުތަކަށް ވަރަށް ޚާއްސަ ހަފްތާ އަކަށެވެ.
އާންމުކޮށް ނޯތް އަދި ސައުތް ޕޯލް ކައިރިން ނޫނީ ނުފެންނަ އަރޯރާ ލައިޓްސް އަމިއްލަ ގައުމުން ފެނިލުމުގެ ނަސީބު ގިނަ ބަޔަކަށް މިހަފްތާގައި ވަނީ ލިބިފަ އެވެ.
މި ހިތްގައިމު މަންޒަރު ވަނީ ޔޫރަޕްގެ ވަރަށް ގިނަ ގައުމުތަކަށައި އެމެރިކާ އަދި ކެނެޑާއަށް ފެނިފަ އެވެ. އަދި ދެކުނުން ނިއު ޒިލެންޑް އަދި އޮސްޓްރޭލިއާއަށް ވެސް ފެނިފަ އެވެ. އަދި އިންޑިއާގެ ލަޑަކް ސްޓޭޓްއިން ވެސް މި އަލިކަން ވަނީ ފެނިފަ އެވެ.
މި ހިތްގައިމު މަންޒަރު އާންމުކޮށް ފެންނަނީ ނޯތް ޕޯލް ކައިރި ގައުމުތަކުންނާއި ސައުތް ޕޯލުން އެކަންޏެވެ. ނަމަވެސް މި ހަފްތާ ތެރޭ ދުނިޔެއަށް ކުރިމަތިވި ސޯލާ ފްލެއާތަކެއްގެ ސަބަބުން މި އަލިކަން ގިނަ ގައުމުތަކުގައި އުފެދުމަށް މެދުވެރިވި އެވެ.
"ނޯދަން ލައިޓްސް" ގެ ނަމުން ވެސް މަޝްހޫރުވެފައިވާ އަރޯރާ ބޯރިލިސް އަކީ ރޭގަނޑު އުޑުމަތިން ފެންނާނެ އެންމެ ހިތްގައިމު މަންޒަރެވެ. އުތުރުން ފެންނަ އަލިކަމަށް ކިޔަނީ އަރޯރާ ބޯރިލިސް އެވެ. ދެކުނުގައިއެއަށް ކިޔަނީ އަރޯރާ އޮސްޓްރޭލިސް އެވެ.
"ނޯދަން ލައިޓްސް" އަކީ އެ މަންޒަރު ބެލުމަށް ބޮޑުތި ޚަރަދުކޮށްގެން ކޮންމެ އަހަރު އައިސްލެންޑް ނުވަތަ ނޯވޭ ފަދަ ގައުމުތަކަށް މީހުން ދަތުރުކުރާ މަންޒަރެކެވެ. މި ފަހަރު މި އަލިކަން ފެނިފައިވަނީ އުސް ސަރަހައްދުތައް ހުންނަ ގައުމުތަކުންނެވެ. ރާއްޖެ ފަދަ އީކުއޭޓާއާ ކައިރި ގައުމުތަކަށް މި އަލިކަމެއް ނުފެންނާނެ އެވެ.
މިރޭ ވެސް މި އަލިކަން ފެންނާނެ ކަމަށް ނިއު ޒިލެންޑް އަދި އޮސްޓްރޭލިޔާގެ ނޫސްތަކުން ވަނީ ރިޕޯޓް ކޮށްފައެވެ.
