ބޮލީވުޑްގެ ފިލްމުތަކުން ފެންނަ އެކްޓަރެއް ކަމަށްވާ ޕޫޖާ ހެގްޑޭއަށް ދުބާއީގައި މަރުގެ އިންޒާރު ދީފައިވާ ކަމަށް އިންޑިއާގެ ނޫސްތަކުން ބުނެފި އެވެ.

ޕޫޖާއަށް މަރުގެ އިންޒާރު ދިނީ ދުބާއީގެ ނައިޓް ކްލަބެއް ހުޅުވަން ބޭއްވި ރަސްމިއްޔާތަކަށް ދިޔަ ޕޫޖާއާއި އެތަނަށް ގޮސް ތިބި އެހެން ބަޔަކާ ދެމެދު ހިނގި ހޫނު އަރާރުންވުމެއްގެ ތެރެއިން ކަމަށް އެ ނޫސްތަކުން ބުނެ އެވެ.

މިކަމާ ބެހޭޭގޮތުން ޕޫޖާ އެއްވެސް ބަހެއް ބުނެފައިނުވާއިރު އެއީ އެއްވެސް ހަގީގަތެއް ނެތް ވާހަކަތަކެއް ކަމަށް ދައްކާ މޭރުމަކުން އޭނާގެ ޓީމުން ބަޔާނެއް ނެރެފައިވެ އެވެ.

މިކަމާ ބެހޭ ހަބަރުތައް ސޯޝަލް މީޑިއާގައި ދައުރުވަމުން ދިޔަ ނަމަވެސް ސަޕޯޓަރުން ކަންބޮޑުވުން ފާޅު ކުރަން ފެށުމުން މިހާރު އެ ޕޯސްޓުތައް ވަނީ ޑިލީޓް ވެސް ކޮށްފަ އެވެ.

ޕޫޖާ އެންމެ ފަހުން ފެނިގެން ގޮސްފައިވަނީ ސަލްމާން ޚާންއާއި ޖެކޮލީން ފެރްނާންޑޭޒް ފެނިގެންދިޔަ ފިލްމު "ކިސީކީ ބާއީ ކިސީކީ ޖާން"އިންނެވެ.