ދިވެހި ރާއްޖެއަކީ ފަތުރުވެރިންގެ މަންޒިލެކެވެ. ޗުއްޓީ ހޭދަކުރުމަށްޓަކައި ކޮންމެ އަހަރަކު ވެސް އެތައް މިލިއަން މީހުންނެއް ރާއްޖެ އާދެ އެވެ. އޭގެ ތެރޭގައި ނަން މަޝްހޫރު ފަރާތްތައް ވެސް ހިމެނެ އެވެ. އެގޮތުން ދިވެހި ރާއްޖެ ވެފައިވަނީ ގިނަ ބޮލީވުޑް ތަރިންގެ "ފޭވަރިޓް" މަންޒިލަށެވެ.

ސާރާ އަލީ ޚާން

ސާރާއަކީ ގުދުރަތީ ތަންތަން ބެލުމަށް ވަރަށް ޝައުގުވެރިވާ ތަރިއެކެވެ. އިންޑިއާގެ އިތުރުން ބޭރުގެ ގިނަ ގުދުރަތީ މަންޒިލްތަކަށް އޭނާ ގޮސްފައިވެ އެވެ. އެގޮތުން ބޭރުގެ ގައުމަކަށް ސާރާގެ އެންމެ ދާހިތްވަނީ ރާއްޖެއަށް ކަމަށްވެ އެވެ.

ކެޓްރީނާ ކައިފް

ރިޕޯޓުތައް ބުނާ ގޮތުގައި ކެޓްރީނާއަކީ ރީތި ގޮނޑުދޮށްތަކަށް ލޯބިކުރާ ފަންނާނެކެވެ. އެހެން ކަމުން ފާއިތުވި ދުވަސްތަކުގައި އެތައް ފަހަރެއް މަތން އޭނާ ރާއްޖެއަށް އައިސްފައިވެ އެވެ.

ރަކުލް ޕްރީތު ސިންހް

އަރަމުން އަންނަ ތަރި ރަކުލް ޕްރީތު ސިންހްއަކީ ގަވާއިދުން ރާއްޖެ އަންނަ ތަރި އެކެވެ. ރިސޯޓުތަކުގެ ސްވިމިން ޕޫލްއާއި ބްރެކްފަސްޓްގެ ފޮޓޯތައް އޭނާގެ ސޯޝަލް މީޑިއާއިން އަބަދުވެސް ފެނެ އެވެ.

ދިޝާ ޕަތާނީ

ދިޝާ ޕަތާނީއަކީ މޫދާއި މޫދުގެ އެކި ހަރަކާތްތަކަށް ލޯބިކުރާ ފަންނާނެކެވެ. މޫދަށް އެރުމާއި ސްނޯކްލިން ފަދަ ކަންކަމަކީ އޭނާ ރާއްޖެއަށް ޒިއާރަތްކުރާ ސަބަބުތަކެވެ.