ޝާހްރުކް ޚާންގެ ކުރިއަށް އޮތް ފިލްމު "ޖަވާން" ރިލީޒް ކުރުމުގެ ކުރިން ވެސް އެ ފިލްމަށް ބޮޑު އާމްދަނީއެއް ލިބިއްޖެ އެވެ.

އެގޮތުން ޖަވާންގެ އެޑްވާންސް ބުކިިންއަށް ހުޅުވާލާފައިވާއިރު އެމެރިކާއިން އެކަނިވެސް އެ ފިލްމަށް މިހާރު ދެ ކްރޯޑް ރުޕީސް ލިބިފައިވެ އެވެ.

ދެކުނު އިންޑިއާގެ ޑައިރެކްޓަރެއް ކަމަށްވާ އަތުލީ ޑައިރެކްޓްކުރާ ޖަވާން ގައި ޝާހްރުކް ޚާންއާއެކު ލީޑު ރޯލުން ފެނިގެންދާނީ ނަޔަންތުރާ އެވެ.

އޮގަސްޓް 11 ވަނަ ދުވަހު ނުކުތް ގަދަރް 2 އަށް ލިބުނު ކާމިޔާބާއެކު ޝާހްރުކް ގެ ފިލްމުވެސް ބްލޮކް ބަސްޓާއަކަށް ހަދަން އޭނާގެ ސަޕޯޓަރުން އަންނަނީ މަސައްކަތް ކުރަމުންނެވެ.

މީގެ ކުރިން ނުކުތް ޝާހުގެ ފިލްމު ޕަތާންއަށް ވެސް ވަނީ އިންޑިއާގެ އިތުރުން ބޭރުގެ ގައުމުތަކުގައި ވެސް ވަރަށް ބޮޑު ކާމިޔާބީއެއް ލިބިފަ އެވެ.