އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހު ގދ. މަޑަވެއްޔަށް ކުރަން ހަމަޖެހިފައިވާ ކެމްޕެއިން ދަތުރުގައި ޖަލްސާ ބާއްވަން ތައްޔާރުކޮށްފައި ހުރި ތަނުގައި ހުޅުޖަހައިިފި އެވެ.

އެ ރަށުގެ އުތުރު ފަރާތުގައި ހަދާފައިވާ އެ ތަނުގައި ހުޅުޖެހުމުން ހުރި ވަރަށް ގިނަ ތަކެއްޗަށް ވަނީ ގެއްލުންވެފަ އެވެ.

ގދ. މަޑަވެއްޔަށް ރައީސް ސޯލިހު ވަޑައިގެން ޖަލްސާ ބާއްވަން ތައްޔާރުކޮށްފައިވާ ތަނުގައި ހުޅުޖަހާފައި

ރައީސް އިބްރާހިމް މުހައްމަދު ސޯލިހުގެ ކެމްޕެއިނަށް ގއ. އާއި ގދ. އަށް މިއަދު ފައްޓަވާ ދަތުރުފުޅުގައި މަޑަވެއްޔަށް ވަޑައިގަންވަން އޮތީ ހެނދުނު 9 ޖަހާއިރު އެވެ.

މިހާދިސާއާއި ގުޅިގެން ރައީސް މަޑަވެއްޔަށް ކުރާ ދަތުރުފުޅު ކެންސަލު ކޮށްފައެއް ނުވެ އެވެ. އަދި މިއަމަލު ހިންގުމުން ގިނަ ބަޔަކު އަންނަނީ އެކަން ކުށްވެރި ކުރަމުންނެވެ.

ހުޅުޖެހި މައްސަލަ ފުލުހުން ވަނީ ތަހުގީގު ކުރަން ފަށައިފަ އެވެ. ނަމަވެސް، ތުހުމަތުގައި މީހަކު ހައްޔަރެއް ނުކުރެ އެވެ.