އޮޅުވެލި ރިސޯޓްގައި އަލިފާނުގެ ހާދިސާއެއް ހިނގައިފި އެވެ.

އެމްއެންޑީއެފްގެ މީޑިއާ އޮފިޝަލް ވިދާޅުވީ އޮޅުވެލި ރިސޯޓްގެ ގެސްޓް ރޫމެއްގައި އަލިފާނުގެ ހާދިސާއެއް ހިނގި ކަމުގެ ރިޕޯޓް ލިބުނީ މިރޭ 12:25 ހާއިރު ކަމަށެވެ.

އަލިފާން ނިއްވާލުމުގައި އެމްއެެންޑީއެފްގެ ފަޔާ ލޯންޗް ހަރަކާތްތެރިވަމުން އަންނަ ކަމަށް އޮފިޝަލް ވިދާޅުވިއެވެ.

އޮފިޝަލް ވިދާޅުވީ ވިދާޅުވީ ރިސޯޓްގެ މުވައްޒަފުންގެ މަސައްކަތުން އަލިފާނުގެ 25 ޕަސެންޓް ކޮންޓްރޯލް ކޮށްފައިވާ ކަމަށެވެ.

އެ ހާދިސާގައި އެއްވެސް މީހަކަށް ގެއްލުމެއް ނުލިބެއެވެ.