އިންޑިއާއިން ރާއްޖެއަށް ކަނޑުމަގުން އެތެރެކުރި ކޮންޓައިނަރެއްގައި މަސްތުވާތަކެތި ހުރި ކަމަށް ޝައްކު ކުރެވިގެން ކޮންޓެއިނާ ބަލާ ފާސްކުރަން ފަށައިފި އެވެ.

މައުލޫމާތު ލިބިފައިވާ ގޮތުގައި މި ކޮންޓެއިނަރުގައި ގިނަ އަދަދެއްގެ މަސްތުވާތަކެތި ހުރިކަމަށް ކަސްޓަމްސްގެ އިންޓެލިޖެންސް އަށް ލިބުނު މައުލޫމާތަކާއި ގުޅިގެން ރޭއިން ފެށިގެން ފުލުހުންނާ ގުޅިގެން އެ ކޮންޓައިނަރު އަންނަނީ ބަލާ ފާސްކުރަމުންނެވެ.

މަސްތުވާތަކެތި ފެނިފައިވަނީ ޓޮމާޓޯ ޕޭސްޓް އަޅާފައިހުރި 40 ފޫޓްގެ ކޮންޓެއިނާއަކުންނެވެ.

މިކަމާއި ގުޅިގެން ފުލުހުންވެސް އަދި ކަސްޓަމްސްއިންވެސް ވަކި އެއްޗެއް އަދި ހާމަކޮށްފައި ނުވެ އެވެ.