ލަންޑަން (16 މެއި) - އިނގިރޭސިވިލާތުގެ ރާނީކަމަށް އެލިޒަބަތު ދެވަނަ އައްޔަން ކުރެވުމަށް 75 އަހަރު ފުރޭ ޕްލެޓިނަމް ޖުބިލީ ފާހަގަ ކުރަން ބޭއްވި ހަފްލާއެއްގައި އެކަމަނާ ބައިވެރިވެ ވަޑައިގެންފި އެވެ.

ވިންޑްސޯ ކާސަލްގައި ބޭއްވި މި ރަސްމިއްޔާތުގައި އެލިޒަބަތު ބައިވެރިވެ ވަޑައިގެންފައި މިވަނީ ސިއްހީ ހާލުކޮޅު ހުރި ގޮތުން ޖުބިލީގެ އެއްވެސް ހަރަކާތެއްގައި ބައިވެރި ވެވޭނެ ކަމާމެދު ސުވާލު އުފެދިފައި ވަނިކޮށެވެ.

އަސާގެ އެހީގައި އެލިޒަބަތު ރަސްމިއްޔާތު އޮތް ތަނަށް ވަޑައިގަތުމުން އެތަނަށް އެއްވެ ތިބި ފަރާތްތަކުން ވަނީ އެކަމަނާއަށް ހޫނު ތަރުހީބެއް ދީފަ އެވެ.

މިދިޔަ އޮކްޓޯބަރު މަހު ކުއްލި ގޮތަކަށް ހޮސްޕިޓަލުން ފަރުވާ ހޯއްދެއްވުމަށްފަހު އެލިބަޒަތު އާއްމުންގެ ތެރެއަށް ނުކުންނަ މިންވަރު ވަނީ ވަރަށް ބޮޑަށް މަދުވެފަ އެވެ.

އެއާއެކު އެކަމަނާގެ ޖިސްމާނީ ހާލަތަށް ބަލާއިރު ސިއްހީ ހާލުކޮޅާމެދު އާއްމުންގެ މެދުގައި ކަންބޮޑުވުންތަކެއް ވަނީ އުފެދިފަ އެވެ.

ރާނީ އެލިޒަބަތުގެ ޕްލެޓިނަމް ޖްބިލީގެ މުނާސަބަތުގައި ގިނަ ހަރަކާތްތަކެއް ބާއްވަން ތާވަލު ކުރެވިފައިވާއިރު އެކަމަނާ ވަނީ މީގެ ކުރިން ވެސް އަސް ދުއްވުމުގެ ޝޯއެއްގައި ބައިވެރިވެ ވަޑައިގަނެފަ އެވެ.

އުމުރުން 96 އަހަަރުގެ އެލިޒަބަތު ރަސްމީކޮށް މަގާމާ ހަވާލުވެ ވަޑައިގަތީ 1951 ވަނަ އަހަރު ބައްޕާފުޅު ޖޯޖް ފަސްވަނަ އަވަހާރަވުމާ ގުޅިގެންނެވެ. -- އަލް އަރަބިއްޔާ