އަލަށް އާބާދުވާން ފަށާފައިވާ ހުޅުމާލެ ދެވަނަ ފިޔަވަހީގައި، ޕްރީސްކޫލެއް އަޅަން ބަޔަކު ހޯދަން ފަށައިފި އެވެ.

(ހައުސިން ޑިވެލޮޕްމަންޓް ކޯޕޮރޭޝަން) އެޗްޑީސީން ކުރި އިއުލާނެއްގައި ބުނީ ހިޔާ ފްލެޓް ސަރަހައްދުގައި ފްލެޓް އަޅަން ދިވެހި ކުންފުނިތަކަށް ހުޅުވާލާފައިވާ ކަމަށެވެ.

ބީލަމަށް ހުށަހެޅޭނީ އެޗްޑީސީގެ އެއްވެސް މުވައްޒަފަކާ ގުޅުން ނުވާ ފަރާތަކަށް ކަމަށް ވެސް އެ ކޯޕަރޭޝަނުން ބުނެފައިވެ އެވެ.

އެޗްޑީސީން އިތުރަށް ބުނީ، މި މަސައްކަތް ކުރުމަށް ޝައުގުވެރިވާ ފަރާތްތަކުން މިމަހުގެ 25 ވަނަ ދުވަހާ ހަމައަށް ފުރުސަތު ހުޅުވާލާފައިވާނެ ކަމަށެވެ.

ގިނަ އަދަދެއްގެ ބަޔަކަށް އެއްފަހަރާ ބޯހިޔާވަހިކަން ފޯރުކޮށްދިނުމަށް ކުރީ ސަރުކާރުން ހިންގި އެންމެ ބިޔަ އެއް ހައުސިން މަޝްރޫއުއެއްގެ ގޮތުގައި ހިޔާ މަޝްރޫއު ހިމެނެ އެވެ.

އެ ތަން ނިމި ގިނަ އަދަދެއްގެ މީހުން ހިޔާ ފްލެޓްތަކަށް ބަދަލުވެ ވަޒަންވެރިވެފައިވާއިރު، އާބާދުވަމުން އަންނަ ވަރަކަށް އެ ސަރަހައްދުގައި ސްކޫލްތަކާއި، ފިހާރަތަކާއި، ޖިމް، ސެލޫން އަދި އެހެނިހެން ތަންތަން އެޅުމަށް ވެސް ސަރުކާރުން މަސައްކަތް ކުރަމުން އެބަގެންދެ އެވެ.