ކުރުސީއަށް މައުލޫމާތު ދިން މީހަކު ހޯދަން ފުލުހުން އެމްއެމްއޭއަށް
ޣައްޒާގެ ހަނގުރާމަ ހުއްޓާލުމުގެ ގަރާރު އެމެރިކާއިން ވީޓޯކޮށްފި
ހެދުން އަޅާ ގޮތަށް ފާޑުކިޔާ މީހުންނަށް ސްވަރާގެ ރައްދެއް!
ފަންކާ ޑިމަރެއްގައި ރޯވެ، ފުވައްމުލަކު ގެއެއްގެ ކޮޓަރިއެއް އަނދައި ހުލިވެއްޖެ އެވެ.
އެމްއެންޑީއެފް ބުނީ ފުވައްމުލަކު ހޯދަނޑު، ވަނަވަރު ކިޔާ ގޭގެ ކޮޓަރިއެއްގައި ރޯވީ ފަންކާ ޑިމަރެއްގައި ރޯވެގެން ކަމަށެވެ.
އެ އަލިފާނުގެ ހާދިސާ ހިނގައިގެން މިއަދު ހެނދުނު 10:43 ގައި އެމްއެންޑީއެފް ސަދަން ކޮމާންޑްގެ ފުވައްމުލަކު ފަޔާ ސްޓޭޝަންގެ ސިފައިން ހަރަކާތްތެރިވެ، 10:55 ހާއިރު އަލިފާން ނިއްވާލާފައިވާ ކަމަށް އެމްއެންޑީއެފް އިން ބުންޏެވެ.
ސިފައިން ބުނީ އެ ހާދިސާގައި އެއްވެސް މީހަކަށް ގެއްލުމެއް ނުލިބޭ ކަމަށެވެ.
އެ ހާދިސާ ހިނގިއިރު އެ ގޭގައި ދިރިއުޅެނީ ބިދޭސީ ޓީޗަރުންތަކެކެވެ.
އެ ގެއިން ވާހަކަދެއްކި މީހަކު ބުނީ އެ ކޮޓަރީގައި އަލިފާން ރޯވި ކަމަށް އެނގިފައި ވަނީ ކަރަންޓަށް ޖަހާފައި ހުރި ލެޕްޓޮޕް ޗާޖަރެއްގައި ރޯވެގެން ކަމަށެވެ. އަދި އެ މައްސަލަ ފުލުހުން ތަހުގީގުކުރަމުން އަންނަ ކަމަށް ވެސް އޭނާ ބުންޏެވެ.
"އެހެން އެއްވެސް ކޮޓަރިއަކަށް ގެއްލުމެއް ނުލިބޭ. އެ ކޮޓަރީގައި ހުރި ހުރިހާ އެއް ވަނީ އަނދައި ހުލިވެފައި،" އެ މީހާ ބުންޏެވެ.
ހަތަރު ކޮޓަރި ހިމެނޭ ގޮތަށް ހަދާފައިވާ އެ ގޭގެ ރޯވި ކޮޓަރި ވަނީ ބޭނުން ނުކުރެވޭ ވަރަށް އަނދައިފަ އެވެ.
