މިދުވަސްކޮޅު ރާއްޖޭގައި އިންފްލުއެންޒާ ފެތުރެމުން ދިއުމާއި ގުޅިގެން އެފަދަ އަލާމާތެއް ފެންނަ ނަމަ ކޮވިޑަށް ޓެސްޓުކުރުމަށް ހެލްތު އެމަޖެންސީ އޮޕަރޭޝަން ސެންޓަރު އެޗްއީއޯސީ)އިން ބުނެފި އެވެ.

އެޗްއީއޯސީން ބޭއްވި ނޫސްކޮންފަރެންސެއްގައި ޑރ. އިބްރާހިމް އަފްޒަލް ވަނީ އަރިދަފުސް ރޯގާގެ އަލާމާތެއް ވާނަމަ ކޮވިޑަށް ޓެސްޓުކުރުން މުހިންމުކަމަށް ވިދާޅުވެފަ އެވެ.

އަރިދަފުސް ރޯގާގެ އަލާމާތެއް ފެނިއްޖެ ނަމަ ލަސް ނުކުރައްވާ ކޮވިޑަށް ޓެސްޓު ކުރުން މުހިންމު. އެއީ ބަލި ފެތުރުން ކޮންޓްރޯލު ކުރުމަށް ޓަކައި އަދި ކޮވިޑް ވެސް އަދިވެސް ފެތުރެމުން ދާތީ ޔަގީން ކުރުމުގެ ގޮތުން
ޑރ.އިބްރާހިމް އަފްޒަލް

އޭގެ އިތުރުން ޑރ.އަފްޒަލް ވަނީ ރޯގާގެ އަލާމާތެއް ފެނިއްޖެ ނަމަ ޑޮކްޓަރަށް ދެއްކުމުގެ ބަދަލުގައި ފްލޫ ކްލިނިކަށް ދެއްކުމަށް އިރުޝާދު ދެއްވާފަ އެވެ.

އެޗްއީސޯސީން ބުނީ އިންފުލުއެންޒާ ފެތުރިފައިވާ މިންވަރު އެންމެ ގިނަ ވެފައިވަނީ މާލޭގައި ކަމަށެވެ.