އެކްތާ ކަޕޫރާއި ޖޭ ޝެވަކްރަމާނީ ޕްރޮޑިއުސްކުރާ ރޮމޭންޓިކް ތްރިލާ "ފްރެޑީ"ގެ މަސައްކަތް މި އޮގަސްޓް މަހު ފަށަން ނިންމައިފި އެވެ.

ފިލްމުގެ ޕްރޮޑަކްޝަން ޓީމާ ހަވާލާދީ ޕިންކް ވިލާއިން ބުނެފައި ވަނީ ވޭތުވެދިޔަ ތިންމަސް ދުވަހު ވެސް ކުރަމުން އައީ ފިލްމުގެ ޕްރީ ޕްރޮޑަކްޝަންގެ މަސައްކަތްކަތްތަކެވެ.

އަޖޭ ބާލް ޑައިރެކްޓްކުރަން މީގެކުރިން ހަމަޖެހިފައިވާ މި ފިލްމު މިހާރު ޑައިރެކްޓްކުރާނީ "ވީރޭ ދަ ވެޑިންގް" ގެ ޑައިރެކްޓަރު ޝަޝަންކާ ގޯޝް އެވެ

"ފްރެޑީ"ގެ ލީޑްރޯލުން ކާތިކް ފެންނާނެ ކަމަށް އިޢުލާނު ކޮށްފައިވާއިރު، އަންހެން ލީޑްރޯލުން ފެންނާނީ ކޮން ތަރިއެއްކަމެއް ޕްރޮޑަކްޝަން ޓީމުން އަދި ހާމަކޮށްފައެއް ނުވެ އެވެ. ނަމަވެސް ފިލްމުގެ ޝޫޓިންތައް އަންނަމަހު ފަށަން ވަނީ ހަމަޖެހިފަ އެވެ.

ކާތިކްގެ ކުރިޔަށްހުރި ފިލްމްތަކުގެ ތެރޭގައި ވަރަށް އަވަހަށް އޯޓީޓީގައި ރިލީޒްކުރުމަށް ހަމަޖެހިފައިވާ ރާމް މާދްވާނީގެ ފިލްމް "ދަމާކާ" ފާހަގަކޮށްލެވެ އެވެ. އަދި މީގެ އިތުރުން ދާދި ފަހުން ކާތިކް ވަނީ ހަންސަލް މެހްތާގެ ކެޕްޓަން އިންޑިއާއަށް ވެސް ހަމަޖައްސައިފަ އެވެ.