މެދުއިރުމަތީގައި ހަނގުރާމަ ފެށުނު ފަހުން މިހާތަނަށް އީރާނުން މަދުވެގެން 21 މީހެއްގެ މައްޗަށް މަރުގެ އަދަބު ތަންފީޒުކޮށްފައިވާ ކަމަށް އދ. އިން ހާމަކޮށްފި އެވެ. އދ. އިން ނެރުނު ރިޕޯޓެއްގައި ބުނެފައިވަނީ މި މުއްދަތުގެ ތެރޭގައި އީރާނުގައި މަރުގެ އަދަބު ދޭ މިންވަރު އިތުރުވެފައިވާ ކަމަށެވެ.

މިކަމާ ގުޅިގެން އީރާނު ސަރުކާރުން ވަނީ ހަރުކަށި ރައްދެއް ދީފަ އެވެ. އީރާނުން ބުނެފައިވަނީ އެ ގައުމާ ދެކޮޅަށް އަމަލުކުރާ ކޮންމެ ފަރާތަކަށް ވެސް ހައްގު އަދަބު ދޭނެ ކަމަށެވެ.

"އަހަރެމެންނާ ދެކޮޅަށް އެފަދަ ގޮތަކަށް އަމަލުކުރާ ކޮންމެ މީހަކާ މެދުވެސް އަހަރެމެން އަމަލުކުރާނީ ހަމަ އެފަދަ ގޮތަކަށް،" އީރާނުގެ އޮފިޝަލުން ވިދާޅުވި އެވެ.

ބައިނަލްއަގުވާމީ އިންސާނީ ހައްގުތަކަށް މަސައްކަތްކުރާ ޖަމާއަތްތަކުން އީރާނުގެ މި އަމަލުތަކާ މެދު ކަންބޮޑުވުން ފާޅުކުރަމުންދާއިރު، އީރާނުން ދަނީ އެ ގައުމުގެ ގައުމީ ސަލާމަތަށް ނުރައްކާވާ ކަމަށް ބުނާ މައްސަލަތަކުގައި ހަރުކަށި ފިޔަވަޅުތައް އަޅަމުންނެވެ.

އދ. އިން ބުނާ ގޮތުގައި މަރުގެ އަދަބު ދެވުނު މީހުންގެ ތެރޭގައި ސިޔާސީ ސަބަބުތަކަށްޓަކައި އަދަބު ދެވުނު މީހުން ހިމެނޭ ކަމަށް ބެލެވެ އެވެ.