ރަމަޟާން މަހު ގިނަ ބަޔަކަށް ކުރިމަތިވާ އުނދަގުލެއް ކަމަށްވާ ވައިގެ އުނދަގޫތަކުން ދުރުހެލިވާނެ ފަސޭހަ އުކުޅެއް ބޮލީވުޑްގެ ތަރި ހީނާ ޚާން ބުނެދީފި އެވެ.

އިންސްޓަގްރާމް ސްޓޯރީ މެދުވެރިކޮށް ހީނާ ކުރި ޕޯސްޓެއްގައި ބުނެފައިވަނީ ހާރުދަމާއި ރޯދަ ވީއްލާ ވަގުތުގައި އަޖުވާ ކަދުރު ބޭނުން ކުރުމުން ވައިގެ އުނދަގޫތައް ކުޑަވާނެ ކަމަށެވެ.

އެގޮތުން އަޖުވާ ކަދުރަކީ ގުދުރަތީ ހަކުރު އެކުލެވޭ ފައިބާއިން މުއްސަނދި ވެފައިވާ މުޅި ދުވަހު ހަކަތަ ދަމަހައްޓައިދޭ އެއްޗެއް ކަމަށް އޭނާގެ ޕޯސްޓުގައި ބުނެފައިވެ އެވެ.

އެހެން ކަމުން ކޮންމެ ދުވަހަކު ވެސް ރޯދަ ހިފަން ފެށުމުގެ ކުރިންނާއި ރޯދަ ވީއްލުމަށްފަހު ދެ އަޖުވާ ކަދުރު ބޭނުން ކުރުމަށް ހީނާ ލަފާ ދީފައިވެ އެވެ.

ހީނާ ވަނީ މީގެ ކުރިން ވެސް ރަމަޟާން މަހަކީ ސިއްހީ ރަނގަޅު އާދަތައް ގެންގުޅޭ މަހަކަށް ހެދުމަށާއި ކާބޯތަކެތިން އިސްރާފު ނުކުރުމަށް ވެސް ގޮވާލާފަ އެވެ.

ހީނާއަކީ ސްޓާ ޕަލަސްއިން ދުރަށް ދެއްކި "ޔޭ ރިޝްތާ ކްޔާ ކެހެލާތާހޭ"ގެ ލީޑު ރޯލުން ގިނަ ބައެއްގެ މަގުބޫލުކަން ހޯދާފައިވާ ފަންނާނެކެވެ.