މުދާ އުފުލާ ބޯޓެއް ބަންޑުން ޖަހާލައި ދެ މީހަކު ގެއްލިގެން ހޯދަން ފަށައިފި އެވެ.

އެމްއެންޑީއެފް އިން ބުނީ "ބަލްމާ – 6" ނަމަކަށް ކިޔާ މުދާ އުފުލާ ބޯޓެއް، ތާޖް އެގްޒޯޓިކާ ރިސޯޓު ކައިިރިއަށް ބަންޑުންޖަހާލައިގެން އެމްއެންޑީއެފް މާލޭ އޭރިއާ ކޮމާންޑް ކޯސްޓްގާޑް ސެކަންޑް ސްކޮޑްރަން އާއި ކޯސްޓްގާޑް ޑައިވަރުންގެ ޓީމެއް ދަނީ ހަރަކާތްތެރިވަމުން އަންނަ ކަމަށެވެ.

އެ ބޯޓުން ދަތުރުކުރި ހަތަރު މީހުންގެ ތެރެއިން ދެ މީހަކު އެ ސަރަހައްދުން ދަތުރުކުރި ދޯންޏަކަށް ނަގާފައިވާ ކަމަށް ވެސް އެމްއެންޑީއެފް އިން ބުންޏެވެ.

މިކަމާ ގުޅިގެން ފުލުހުން ބުނީ ގެއްލިފައި ވަނީ ދިވެއްސަކާއި ބިދޭސީއަކު ކަމަށެވެ. އެ ދެ މީހުން ހޯދުމުގައި ފުލުހުން ވެސް އަންނަނީ އެހީރެރެރިކަން ފޯރުކޮށްދެމުންނެވެ.