ޔުމްނު ވެއްޓުނު މައްސަލާގެ ތަހުގީގަށް ނުފޫޒު ފޯރުވާ: އާއިލާ
ޕޯސްޓު އޮފީހަށް ބާރުބޮޑުވެ ވަޒީފާއަށް މީހުން ހޯދަން ފަށައިފި
ބްރޯޑްކޮމްގެ އައިޓީ އޮފިސަރު ސަސްޕެންޑްކޮށްފި
އަތޮޅު ކައުންސިލުތައް އުވާލައި، އާބާދީގެ ނިސްބަތަށް ބަލައި ރަށު ކައުންސިލުތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީ (ޑަބްލިއުޑީސީ) ގެ މެމްބަރުންގެ އަދަދު ބަދަލުކޮށް ކަނޑައަޅަން ނިންމަވާފައިވާ ކަމަށް ރައީސް މުހައްމަދު މުއިއްޒު ވިދާޅުވެއްޖެ އެވެ.
"ރައްޔިތުންނާ އެކު" ޕޮޑްކާސްޓުގެ ހަވަނަ އެޕިސޯޑުގައި ވާހަކަފުޅު ދައްކަވަމުން ރައީސް ވިދާޅުވީ ގާނޫނު އަސާސީއަށް އިސްލާހު ގެންނައިރު، އަތޮޅު ކައުންސިލުގެ ނަމުގައި ވަކި ކައުންސިލެއް ނުބާއްވާ ގޮތަށް ހުށަހަޅަން ވިސްނާފައިވާ ކަމަށެވެ.
ރައީސް ފާހަގަކޮށްފައިވާ ގޮތުގައި މިހާރުގެ ނިޒާމުގައި އަތޮޅު ކައުންސިލުތަކާ ގުޅިގެން ދިމާވާ މައްސަލަތަކުގެ ތެރޭގައި، ރަށު ކައުންސިލުތަކުގެ ރައީސުން އަތޮޅު ކައުންސިލަށް އައުމުން އެމީހުންނަށް މުޅި އަތޮޅުގެ މަސްލަހަތަށްވުރެ އެމީހުންގެ ރަށުގެ މަސްލަހަތު އިސްކުރެވުމާއި، ކައުންސިލަރުންނަށް އެއްތަނަކަށް ދެވޭ ގޮތް ނުވުމުގެ ސަބަބުން ގިނަ ބައްދަލުވުންތައް އޮންލައިންކޮށް ބާއްވަން ޖެހުން ހިމެނެ އެވެ.
ރައީސް މުއިއްޒު ވިދާޅުވި ގޮތުގައި، އާބާދީގެ ނިސްބަތަށް ބަލައި ކައުންސިލުތަކުގެ މެންބަރުންގެ އަދަދު ކުޑަކުރުމަށް ހުށަހަޅުއްވާނެ އެވެ. އެގޮތުން:
- 2000 އަށްވުރެ ކުޑަ އާބާދީތަކުގައި 3 ކައުންސިލަރުން
- 2000 އަށްވުރެ ބޮޑެތި އާބާދީތަކުގައި 5 ކައުންސިލަރުން
- ސިޓީ ކައުންސިލުތަކުގެ މެންބަރުންގެ އަދަދު އިތުރު ނުކުރުން
މީގެ އިތުރުން، ޑަބްލިއުޑީސީތަކުގެ މެންބަރުންގެ އަދަދު 3 ނުވަތަ 5 އަށް ކުޑަކުރެވޭނެ ކަމަށާއި، ޑަބްލިއުޑީސީގެ ރައީސާ ރައްޔިތުންގެ ވޯޓުން އިންތިހާބުކުރާ ގޮތަށް ހަމަޖައްސަން ނިންމަވާފައިވާ ކަމަށް ވިދާޅުވި އެވެ. އަދި ކައުންސިލުތަކުގައި އަންހެނުންނަށް ހާއްސަކޮށްފައިވާ ގޮނޑީގެ އަދަދު 33 އިންސައްތައިން 40 އިންސައްތައަށް އިތުރުކުރަން ނިންމަވާފައިވާ ކަމަށް ވެސް ފާހަގަކުރެއްވި އެވެ.
ރަންގަޅު ނިންމުމެއް
ރިޕްލައި