ރާއްޖޭގައި މެރިކަލްޗާ ސިނާއަތެއް ތަރައްގީ ކުރުމަށް ޗައިނާގެ އިންވެސްޓަރުންނަށް ފުރުސަތު ހުޅުވާލައިފި އެވެ.

ރާއްޖޭގައި މެރިކަލްޗާ ސިނާއަތެއް ތަރައްގީ ކުރުމަށް ޗައިނާގެ އިންވެސްޓަރުންނަށް ފުރުސަތު ހުޅުވާލިކަމަށް މިނިސްޓަރު ޝިޔާމް ވިދާޅުވީ ޗައިނާ އިންޓަނޭޝަނަލް ޑިވެލޮޕްމަންޓް ކޯޕަރޭޝަން އެޖެންސީ (ސީއައިޑީސީއޭ) ގެ ޗެއަމަން ލުއާ ޖައުހުއީ އާ ބައްދަލުކުރެއްވުމަށް ފަހު އެވެ.

މިނިސްޓަރު ވިދާޅުވީ ރާއްޖޭގައި އެކުއަކަލްޗާ ދާއިރާ ފުޅާކުރުމަށް މަސައްކަތް ކުރަމުންދާ ކަމަށާއި، މި ދާއިރާގައި ގިނަ ފުރުސަތުތަކެއް ރާއްޖެއަށް އެބަހުރި ކަމަށެވެ. އަދި ވިޔަފާރި އުސޫލުން އެކުއަކަލްޗަރ ތަރައްގީކުރުމަށް ހަތަރު ސަރަހައްދެއް ވަނީ ކަނޑައަޅާފައި ކަމަށް ވެސް އޭނާ ވިދާޅުވި އެވެ.

މިނިސްޓަރު ޝިޔާމް ވިދާޅުވީ މި ދާއިރާއިން ޓެކްނޮލޮޖީ ޓްރާންސްފާ އާއި، ކެޕޭސިޓީ ބިލްޑިން އާއި، ޓްރެއިނިންގައި ވެސް އެހީތެރިކަން ބޭނުންވާ ކަމަށެވެ.

ރާއްޖޭގައި މި ދާއިރާ ފުޅާކުރުމަށް ޗައިނާގެ އިންވެސްޓަރުން މުހިއްމުކަމަށާއި މިކަމަށް ޝައުގުވެރިވާ ވިޔަފާރިތަކަށް އެ ފުރުސަތު ހުޅުވާލެވިފައިވާ ކަމަށް މިނިސްޓަރު ޝިޔާމު ވިދާޅުވި އެވެ. އެގޮތުން މި ދާއިރާއިން ޓެކްނޮލޮޖީ ޓްރާންސްފާއާއި، ކެޕޭސިޓީ ބިލްޑިންއާއި، ޓްރެއިނިންގައި ވެސް އެހީތެރިކަން ބޭނުންވާކަން މިނިސްޓަރު ފާހަގަކުރެއްވި އެވެ.