މޯލްޑިވްސް މީޑިއާ ކައުންސިލް (އެމްއެމްސީ)ގެ ރައީސްއަކަށް ހުސައިން ސަގީފް އިންތިހާބުކޮށްފި އެވެ.

މިއަދު ނެގި ވޯޓުގައި ސަގީފަށް އަށް ވޯޓު ލިބުނުއިރު، އޭނައާ ވާދަކުރި ފާތިމަތު ޝަނާ މުހައްމަދަށް ލިބުނީ ހަތް ވޯޓެވެ. މިޑިއާ ކައުންސިލްގެ މި ދައުރުގެ ރައީސަކު ހޮވުމަށް އިއްޔެ ނެގި ވޯޓު އެއްވަރުވީ އެވެ.

މީޑިއާ ކައުންސިލުގެ ނާއިބު ރައީސަކަށް އިންތިހާބުކޮށްފައި ވަނީ އަމިއްލަ ގޮތުން ކައުންސިލަށް އިންތިހާބުވި އިބްރާހީމް މުހައްމަދެވެ.

ސަގީފް ވަނީ މީގެކުރިން މީޑިއާ ކައުންސިލްގެ ނައިބު ރައީސްކަން ކުރައްވާފަ އެވެ. އަދި ހދ. އަތޮޅު ކައުންސިލުގެ ނާއިބު ރައީސް ކަން އޭނާ ކުރައްވާފައިވެ އެވެ.

މީޑިއާ ކައުންސިލަކީ ޕްރިންޓް އަދި އޮންލައިން ނޫސް މަޖައްލާތައް ރެގިއުލޭޓްކުރާ ދައުލަތުގެ އިދާރާ އެވެ.