1. ޓިކްޓޮކް ވީޑިއޯ ހަދަން ފެށީ ކީއްވެ؟
ޖަވާބު: ޓިކްޓޮކް ވީޑިއޯސް ހަދަން ފެށީ.. ފުރަތަމަ އަސްލު ރައްޓެހި ކުއްޖަކާ އެއްކޮށް މަޖަލަކަށް ހަދަން ފެށީ. އެއީ ޕްރައިވެޓްކޮށް. ދެން ބޮޑަށް ޝެއާ ކުރެވެނީ ފްރެންޑް ގްރޫޕްތަކުގަ އާއި އެއްކަލަ ފެމެލީ ގްރޫޕްތަކުގައި. ދެން އެހެން ހުރެފައި ދެން އެމީހުންނަށް ކަމުދާތީ ދެން ހިތައް އެރީ ކިހިނެތް ބާއޭ ވާނީ ޓިކްޓޮކަށް ލީމަ. ދެން އެގޮތަށް ހަދަން ފެށީ އެހިސާބުން ފެށުނު ކަމެއް. 2019 ހިސާބުގައި.
2. ވީޑިއޯތަކަށް އައިޑިއާ ހޯދަނީ ކިހިނެތް؟
ޖަވާބު: ވީޑިއޯތަކަށް އައިޑިއާ ހޯދަނީ ހަމަ އާންމު ގޮތެއްގައި ދިމާވާ ކަންތައްތަކާ ގުޅުވާލާފައި ބޮޑަށް ވީޑިއޯ ހެދިފައި ހުންނާނީ. ދެން މިސާލަކަށް އެޑްސް އެއްޗެއްސަށް ވެއްޖެއްޔާ ވަރަށް ބޮޑަށް ވިސްނަން ކިހިނެތް ހެދިއްޔާ ބާއޭ ބެލުންތެރިންނަށް ކަމުދާނީ. ދެން ބޮޑަށް ބަލަނީ އިސްތިހާރެއްކަން ނޭނގޭ ކަހަލަ ގޮތަކަށް ފެށޭތޯ. އާންމު ދިރިއުޅުމާ ގުޅުވާލެވޭތޯ. ނޫނީ ރަނގަޅު މެސެޖެއް ދެވޭ ގޮތަށް ގެންދެވޭ ތޯ. ދެން އެކަމަށްޓަކައި ފުދޭ ވަރަކަށް ވިސްނަންޖެހޭ އައިޑިއާއެއް ގެންނަންވެސް. އެކަމަކު ބައެއް އެއްޗެއްސަށް ހަމަ ވަރަށް ފަސޭހައިން ވެސް, ކުއްލިއަކަށް ހަމަ ހުރެފަ އައިޑިއާ އާދޭ.
3. ނައިފަރުގެ ދިރިއުޅުން ކިހިނެތް؟
ޖަވާބު: މީގައި މި މާނަކުރާ ގޮތް އަސްލު ހިތަށް އަރަނީ އަޅުގަނޑުގެ ދިރިއުޅުންބާ އޭ ނޫނީ ނައިފަރުގައި އުޅުން ކިހިނެތް ބާއޭ. ކުޑައިރުއްސުރެ މި ފަސްގަނޑުގައި މި ދިރިއުޅުނީ. ވަރަށް ބޮޑަށް ލޯބި ޖެހިފައި ހުންނަނީ މި ފަސްގަނޑަށް. ދެން އަނެއްހެން ސާވިސް ނުވަތަ ފެސިލިޓީސްތަކަށް ބަލާއިރު ނައިފަރުގައި ގިނަ ތަންތަން އެބަހުރި އެކަމު ވެސް ދަތިވާ ކަންކަން ވެސް އެބަހުރި. ޑޭކެއާ ސެންޓާތަކާއި ތަންތަން ނެތުން. މިހާރު އެކަމަކު ވަރަށް ފަހުން މިތާ ސައިކޮލޮޖިކަލް ސެންޓަރެއް ވެސް ގާއިމުކޮށްފައި ވަނީ. މަޑުމަޑުން ރަނގަޅުވަމުން ކަންނޭނގެ އަންނަނީ. އަނެއްހެން ދިރިއުޅުން ގޯހެއް ނުވާނެ ނައިފަރުގައި.
4. އެންމެ ކޮން ބިޒްނަސްއަކާ އެއްކޮށް ޕާޓްނާ ކުރަން ލިބުނީ؟
ޖަވާބު: އަޅުގަނޑު ހަނދާންވަނީ މި ރަށުގެ ކޮންމެވެސް ކުޑަ ޖޫގޯ ވިއްކާ ތަނެއްގެ ވީޑިއޯއެކޭ ފުރަތަމަ ލިބުނީ. އެއީ އަލަށް ވެސް ހެދި ވީޑިއޯއަކީ. އެއަށް ފަހު ސޯފާ ސެޓެކޭ ހަނދާންވަނީ. ކޮންމެސް ތަނެއްގެ ސޯފާ ސެޓުތަކެއް އިސްތިހާރު ކުރި ހަނދާނެއް ވަނީ. ދެން މި ރަށުގެ ވީޑިއޯއެއް ހެދިއިރު އެއްވެސް ޕޭމަންޓެއް ނުނަގަމޭ. ވަރަށް ކުޑަ އެއްޗެއް ނޫނީ ނެގިއްޔާ ވެސް ނެގުނީ. އެ ވީޑިއޯއާ އަޅާ ކިޔާކިރު މިހަރުގެ ވީޑިއޯތައް ވަރަށް ވެސް ތަފާތުވާނެ. އަނެއްހެން ބޮޑު ބިޒްނަސްއެއް ނޫން އެކަމަކު އެންމެ ފުރަތަމަ ހެދި އިސްތިހާރަކީ އެއީ.
5. ޕޮލިޓިކަލް ކޮންޓެންޓް ޕްރޮމޯޓްކުރާނަންތަ؟
ޖަވާބު: އަޅުގަނޑެއް ނުކުރާނަން ޕޮލިޓަކަލް އެއްޗެއްސެއް. ކިރިޔާވެސް ސިޔާސީ ވިއްޔާމުން އެކި ކަހަލަ ކޮމެންޓްތައް އެބަ އާދޭ. ދެން އަޅުގަނޑު ވަރަށް ވަންނަން ބޭނުންނުވާ ދާއިރާއެއް އެއީ ސިޔާސީ ދާއިރާއެއީ. އެހެންވީމާ ސިޔާސީ ދާއިރާގެ ކަންތައްތަކެއް ޕްރޮމޯޓެއް ނުކުރެވޭނެ.
6. ކުރިން ކޮއްކޮ ވެސް ވީޑިއޯތަކުން ފެނޭ ދޯ. މިހާރު ކީއްވެ އެކަނި ފެންނަނީ؟
ޖަވާބު: އެކަނި ފެންނަނީ ފުރަތަމަ ކަމަކަށް އެކަނި އުޅޭތީ. ހެހެހެ. ދެވަނަ ކަމަށް މިކަމާ ގުޅޭ ގޮތުން އިންނާނެ ވީޑިއޯއެއް ވެސް ހަދާފައި. ޓެލެގްރާމްގައި މީގެ އަހަރެއް ވަރު ކުރިން އަޅުގަނޑުގެ ފޮޓޯތަކާ އެއްކޮށް ވީޑިއޯ ލިންކެއް ލާފައި އިނީމާ. އެ މައްސަލަ ވަރަށް ބޮޑުވި. ދެން އޭރުގައި އަޅުގަނޑު ޕޯސްޓު ވެސް ލިން އެކަން ދޮގުކޮށްފައި. އެއީ ބަޔަކު ކުރި ކަމެއްކަމަށް. ލިންކަށް ޕޭކޮށްގެން މި އިންނަނީ އަންހެންކުއްޖާ.. އަޅުގަނޑަށް ވެސް އެ ވީޑިއޯ ފެނުން. އެއީ އަޅުގަނޑަށް އެ ވީޑިއޯ ބަޔަކު ޝެއާ ކުރީ. އެ ކޯއްޗެއްތޯ ބަލަން އަޅުގަނޑުވެސް ބޭނުންވާނެތާ. ދެން އޭގަ އެ އަންހެން ކުއްޖާގެ މޫނެއް ވެސް ނުފެނޭ. އެހިސާބުން ދެން މި ވާގޮތަކީ.. ކޮއްކޮ ވަރަށް ކުޑަވާނެ އަޅުގަނޑަށް ވުރެ. 11 އަހަރު ކުޑަވާނެ. ވަރަށް ފަހަކުން 18 އަހަރު އެވީ. ދެން ކޮއްކޮ ބޭނުއްމެއް ނުވި ދެން ވީޑިއޯ ހަދާކަށް, ޕްލަސް ކޮއްކޮ ވެސް ކެރިއާއަށް ފޯކަސްކޮށް ވެސް ހުރީމައާ އެއްކޮށް. އެހެންވެ އެކަމަކު މުސްތަގުބަލުގައި އެހެން މީހުންނާ އެއްކޮށް ފެނުން އެކަށީގެންވޭ.
7. ކަމުނުދާ ޕްރޮޑަކްޓެއް ޕްރޮމޯޓްކުރަން ޖެހުނުތަ؟
ޖަވާބު: އެއްފަހަރަކު ޖެހުނު ކަންނޭގެ. ގިނަ ފަހަރަށް ނޯ ޖަހާފައި ހުންނާނީ. އެކަމަކު ފުރަތަމަ ކޮޅު އެބައިން ކަންނޭގެ ހެދިފައި. ފަހުން ހީވަނީ އަޅުގަނޑު އެ ވީޑިއޯ ފޮރުވިންހެން. ބައެއް ފަހަރު ޕްރޮޑަކްޓް އިސްތިހާރުކުރާއިރު އެބަ ބަލަންޖެހޭ އެއީ ރަނގަޅު އެއްޗެއްތޯ. އެހެންވެ އާއެއްކޮށް. އެހެންވީމާ ސުވާލުގެ ޖަވާބަކަށް ބުނެވޭނީ އާއެކޭ.
8. އޮންލައިން ޓީޗަރެއްދޯ ތީ. ޓީޗަރެއްގެ ގޮތުގައި މަސައްކަތް ކުރާއިރު ލިބޭ އެންމެ ބޮޑު ހިތްހަމަޖެހިމަކީ ކޮބާ؟
ޖަވާބު: އެންމެ ބޮޑު ހިތްހަމަޖެހުމަކީ އަޅުގަނޑު ކިޔާދިނީމަ ކުދިންނަށް އޭތި ފަހުމްވުން. މިސާލަށް މިސް ކިޔާދިނީމަ ވަރަށް ބޮޑަށް އަންޑަސްޓޭންޑްވޭ. އެ ކޮމެންޓް އައިމަ ވަރަށް ބޮޑަށް އުފާވޭ. މިސް ވަރަށް ބެސްޓޭ. ވަރަށް ބެސްޓް ޓީޗަރެކޭ ތީ. ކުދިންގެ ޕޮސިޓިވް ކޮމެންޓް އަންނައިރު ވަރަށް އުފާވޭ. ދެން މި ބުނާހެން ކުދިންނަށް އަންޑަސްޓޭންޑްވާ ގޮތަށް ބުނެދެވުނީމަ ވަރަށް އުފާވޭ. ބައެއް ފަހަރު ލެސަން ދާ ގޮތުން އަމިއްލައަށް ވެސް އިނގޭ ފަހަރެއްގައި ދެން އިންނަ ލެސަންއަށް އެބަ ޖެހޭ މިކަން ރަނގަޅުކޮށްލަން. ރަނގަޅުކޮށްލީމަ ކުދިންނަށް އިންނަ ކޮންފިއުޝަން ފިލާނެކަން. އާންމުގޮތެއްގައި ލެސަން ނަގާދިނީމަ އިނގޭ ކުދިންގެ ފީޑްބެކްއިން ވެސް ލެސަން ދިޔައީ ރަނގަޅަށްކަށް ނޫންކަން ދޯ. އެންމެ ބޮޑު ހިތްހަމަޖެހުމަކީ މި ބުނާހެން ކުދިން ކުރާ ކޮމެންޓްތައް. ދެން ކުދިން ކުރިއަރާ ދާތަން ފެނުނީމަ އެ ލިބޭ ހިތްހަމަ ޖެހުން. އަޅުގަނޑު އަބަދުވެސް ބުނަނީ ކުދިން ކައިރި މިސް އެއް ނުބުނާނަމޭ ގޮސް އަރާ ބޮންތީގައި ހިފާށޭ. އެކަމަކު މިއަދު އެ ކުއްޖަކު ހުންނަ މަގާމުން ކޮންމެވެސް ވަރަކަށް އެ ކުއްޖާގެ ސެލްފް އިންޕްރޫވް ކުރެވޭތޯ ބަލާށޭ. ކުރިއެރޭތޯ ބަލާށޭ. އެއް ޕަސަންޓް ވިޔަސް މައްސަލައެއް ނެތޭ.
9. ސްޓައިލިންގެ ބްރޭންޑް އެމްބެސެޑަރުކަމުގެ އެކްސްޕީރިއަންސް ކިހިނެތް؟
ޖަވާބު: ފުރަތަމަ ސްޓައިލިންއެއް އައިނެއް އަޅުގަނޑަށް ލިބުނީވެސް އަޅުގަނޑު ވަރަށް ބޮޑަށް ޑިޕްރެޝަންގެ ތެރޭގަ އުޅުނު ދުވަސްކޮޅެއްގަ. ހަމަ ތެރަޕީ ފެށި ތަނާ. ދެން އޭރު އަޅުގަނޑު އަލަށް ބްރޭންޑް އެމްބެސެޑަރުކަމަށް ވުމުގެ ފުރުސަތު ލިބުނީ. އެވެސް ސްޓައިލިން އިން. ދެން ސްޓައިލިންއަކީ ވަރަށް ފަހުން ރާއްޖޭގަ އުފެދުނު އައިވެއާ ބްރޭންޑެއް. އާންމުގޮތެއްގައި ފަހުގެ މޮޑެލްތަކުގެ ރީތި އައިނު އަގުހެޔޮކޮށް ލިބޭނެ. ދެން އަޅުގަނޑަށް ލިބުނު ތަޖުރިބާގައި މި ވާގޮތަކީ އަޅުގަނޑުގެ ހީލިން ޖާނީގައި, މި ބުނީ ޑިޕްރެޝަންއިން އަރައިގަންނަން ކުރި މަސައްކަތުގެ ތެރޭގައި, ސްޓައިލިންގެ ވީޑިއޯތައް ހަދަމުން ކުރިއަށް ދިޔައިރު އެފަރާތުން ވެސް ވަރަށް ގިނަ ކުރިއެރުންތަކެއް ލިބި, އަޅުގަނޑަށްވެސް އަމިއްލަ ނަފްސަށް ކުރިއެރުންތަކެއް ލިބިގެން މިދަނީ. ޖާނީއެއްހެން ފީލްވީ. އެހާ ޑައުންކޮށް ހުރެފައި މި ހިސާބަށް އާދެވުނު އިރު ވަރަށް ސެލްފް އިންޕްރޫވްމެންޓްތަކެއް ވެސް އަޅުގަނޑަށް ވެސް އައިސްފި. ސްޓައިލިން ބްރޭންޑަށް ވެސް ކުރިއެރުންތަކެއް އައި ތަން އަޅުގަނޑަށް ފެނުނީ. އަދި މިހާރު ކުރިއާ ޚިލާފަށް ކްލިޕް އޮންސްއާ ކުޑަކުދިންގެ އައިނާ, ފިރިހެނުންގެ އައިނާ އެކި ކަހަލަ ފްރޭމްސް މި ވަގުތު ސްޓައިލިންއިން ލިބޭ. ފުރަތަމަ ކޮޅު ހުރީ ވަރަށް މަދުން. އެކި ކަހަލަ ފްރޭމްސް މިހާރު ލިބެން ހުންނާނެ. ހިދުމަތްތައް ވެސް ކުރިއަށް ވުރެ ގިނަވެފައި މިހާރު ހުރީ. ދެން އެހެންވީމާ ސްޓައިލިންގްގެ އެމްބެސެޑަރަކަށް ވުމަކީ އަޅުގަނޑަށް ވެސް ލިބުނު ވަރަށް ބޮޑު ކުރިއެރުމެއް. ވަރަށް ބޮޑު އުފަލެއް. އެކްޕީރިއަންސްއާ ދޭތެރޭ ވަރަށް ހިތްހަމަ ޖެހޭ. ދެން އަޅުގަނޑަށް, އެހެންޏާ އަބަދު މާލެ ގޮސް ގޮސް އައިނު ހައްދާފައި. އެކަމު މިހާރު އަޅުގަނޑަށް އެނގޭ އެމީހުންނަށް އިނގޭނެކަން އަޅުގަނޑުގެ ޓެންޕްލޭޓްއާ ނަންބަރާ ވެސް. މިހާރު ވަރަށް ފަސޭހަ އައިނު ހައްދާލަން ވެސް.
10. ފޭންސްއަށް އެބައޮތްތަ އެއްވެސް މެސެޖެއް؟
ފޭންސް ކައިރި ފުރަތަމަ ބުނެލަން އޮތީ ވަރަށް ބޮޑަށް ސޮރީއޭ. މާފަށް އެދެން. އެއީ އަޅުގަނޑަށް މިހާރު ކުރިއެކޭ އެއްވަރަށް ވީޑިއޯއެއް ނެހެދޭ. އެއީ ކިޔަވާތީ ކިޔެވުމަށް ބޮޑަށް ފޯކަސް ހުރީމަ. އެކަމަކު މަދުމަދުން ނަމަވެސް ބަލާލަން ވީޑިއޯ ލެވޭތޯ. އެކަމަކު އަދި އަޅުގަނޑު ބޭނުންވާ ކަހަލަ އެންމެ މަޖާ ވީޑިއޯއެއް އަދި ނުލެވޭ. އެކަމު ކުރިއަށް ތާނގައި އިންޝާ ފެންނާނެއޭ. ވަރަށް ވަރަށް ލޯބިވޭ ހުރިހާ ކުދިން ދެކެ ވެސް. އަބަދުވެސް ތިގޮތަށް ސަޕޯޓްކުރައްޗޭ. ދެން ދޭތެރެއަކުން މިސްވެއްޖެއްޔާ ހަބަރެއްވެސް ވެލައްޗޭ. ހުރިހާ މެސެޖަކަށް ރިޕްލައި ނުކުރެވުނަސް އަޅުގަނޑަށް އަންނަ ގިނަ މެސެޖްތައް ކިޔާލަން. ވަރަށް އުފާވޭ. ތެންކް ޔޫ!
