ރައީސް މުހައްމަދު މުއިއްޒާއި ފަސްޓް ލޭޑީ ސާޖިދާ މުހައްމަދު އިނގިރޭސިވިލާތުގައި ޗުއްޓީ ހޭދަކުރެއްވުމަށްފަހު އެނބުރި ރާއްޖެ ވަޑައިގެންފި އެވެ.

ރައީސް އޮފީހުން ހާމަކޮށްފައިވާ ގޮތުގައި ރައީސްގެ ދެކަނބަލުން ރާއްޖެ ވަޑައިގަތީ މިއަދު ހަވީރުގެ ވަގުތެއްގަ އެވެ.

މި މަހުގެ 21 ވަނަ ދުވަހު ރައީސްގެ ދެކަނބަލުން ޔޫކޭއަށް ވަޑައިގަތީ ކައިވެނި ހަފްލާއެއްގައި ބައިވެރިވެވަޑައިގަތުމަށެވެ.

ރައީސް އޮފީހުން ބުނެފައިވާ ގޮތުގައި މި ދަތުރުފުޅުގައި، ރައީސް ކުރައްވާ އިދާރީ މަސައްކަތްޕުޅުތަކުގެ ހަރަދާއި، އާއިލާއާއި އަމިއްލަފުޅު ކަންކަން ވެސް ހިމެނޭގޮތުން، މުޅި ދަތުރުފުޅުގެ ހުރިހާ ހަރަދެއް ވެސް ކުރައްވާނީ ރައީސް މުއިއްޒު އަމިއްލަފުޅަށް ކަމަށެވެ.