ދިރާގު އޮރެންޖް ބޮކްސް މެޝް ވައިފައި މެދުވެރިކޮށް، ގޭގެ ހުރިހާ ދިމާލަކަށް ފަސޭހަކަމާ އެކު އިތުބާރު ހިފޭ ކަނެކްޓިވިޓީ ލިބޭނެ އެވެ.

އޮރެންޖް ބޮކްސް މެޝް ވައިފައި މެދުވެރިކޮށް ހަލުވި، މެދުކެނޑުމެއް ނެތް އިންޓަނެޓް ގޭގައި ތަޖުރިބާކޮށްލުމަށް މަގުފަހިވެގެންދާނެއެވެ. އަދި މިއީ ގޭގެ އިންޓަރނެޓް ކަވަރޭޖް އަދި ސިގްނަލް ވަރުގަދަކޮށްދީ، އެކި ކޮޓަރިތަކާއި ފަންގިފިލާތަކަށް ހަލުވި ސްޕީޑްގެ ކަނެކްޓިވިޓީ ފޯރުކޮށްދިނުމަށް ފަރުމާކޮށްފައިވާ ޑިވައިސްއެކެވެ.

ދިރާގުގެ ކަސްޓަމާ ވެލިއު މެނޭޖަރު ބްރޯޑްބޭންޑް އެންޑް ޑިވައިސަސް، އަހުމަދު އިޝާން ވިދާޅުވީ ދިރާގު އޮރެންޖް ބޮކްސް މެޝް ވައިފައިއާ އެކު، ފައިބާ ބްރޯޑްބޭންޑް ކަސްޓަމަރުންނަށް ހަރުދަނާ އަދި ވަރުގަދަ އިންޓަނެޓް ކަނެކްޓިވިޓީ ލިބިގެންދާނެ ކަމަށެވެ.

"ދިރާގު އޮރެންޖް ބޮކްސް މެޝް ވައިފައިއާ އެކު، އަޅުގަނޑުމެންގެ ފައިބަރ ބްރޯޑްބޭންޑް ކަސްޓަމަރުންނަށް ހަރުދަނާ އަދި ވަރުގަދަ އިންޓަރނެޓް ކަނެކްޓިވިޓީ ލިބިގެންދާނެ. އެގޮތުން އެންމެ ބަލާ ހިތްވާ ޝޯވތައް ސްޓްރީމްކޮށްލަން، އޮންލައިންކޮށް ގޭމުކުޅެލަން ނުވަތަ ގޭގެ ސްމާރޓް ޑިވައިސްތައް މެނޭޖްކޮށްލަންވިޔަސް، މި ޑިވައިސްއާ އެކު ގޭގެ ކޮންމެ ތަނެއްގައި ހުރެގެންވެސް ފަސޭހަކަމާ އެކު އިންޓަރނެޓްއާ ގުޅާލެވޭނެ،" އިޝާން ވިދާޅުވި އެވެ.

އިންސްޓޯލްމަންޓް ޕްލޭންތަކާ އެކު މަހަކު އެންމެ 70 ރުފިޔާއަށް ދިރާގު އޮރެންޖް ބޮކްސް މެދުވެރިކޮށް ކަސްޓަމަރުންނަށް މެދުކެނޑުމެއް ނެތި ގޭގައި އިންޓަނެޓް ކަނެކްޓިވިޓީ ތަޖުރިބާކޮށްލެވޭނެ އެވެ. އެގޮތުން ދިރާގުގެ ފައިބަރ ބްރޯޑްބޭންޑް ހިދުމަތް މިހާރު ބޭނުންކުރަމުންދާ ހުރިހާ ކަސްޓަމަރުންނަށްވެސް ދިރާގު މައިއެކައުންޓް މެދުވެރިކޮށް މި އޮފަރއަށް އެޕްލައިކޮށްލެވޭނެއެވެ. އަދި އެ ކަސްޓަމަރުންނާ އެންމެ ކައިރީގައި ހުންނަ ކަސްޓަމަރ ސަރވިސް ސެންޓަރަށް ވަޑައިގެން އޮރެންޖް ބޮކްސް ޑިވައިސް ހޯއްދެވޭނެ އެވެ.

ދިރާގުން އަބަދުވެސް މަސައްކަތްކުރަމުން ދަނީ ރާއްޖޭގައި ދިރިއުޅޭ ރައްޔިތުންގެ ދިރިއުޅުން އިތުރަށް މުއްސަނދިކޮށް، އެފަރާތްތަކަށް އައު، ހިތްގައިމު އޮފާތަކެއް ފޯރުކޮށްދިނުމަށެވެ.