ހޮލީވުޑްގެ މަޝްހޫރު އެކްޓަރު އެންޖެލީނާ ޖޯލީއަކީ ފަންޑިތަ ހަދާ މީހެއް ކަމަށް ލޮސް އެންޖެލަސްއަށް ނިސްބަތްވާ އަންހެނަކު ތުހުމަތު ކޮށްފި އެވެ.

އެ އަންހެން މީހާއާ ހަވާލާދީ އިނގިރޭސި މީޑިއާތަކުން ބުނާ ގޮތުގައި އެންޖެލީނާ އަންނަނީ 2010 ވަނަ އަހަރުން ފެށިގެން އޭނާއަށް ފާރަލަމުންނެވެ.

އެއާއެކު އެމީހާ ވަނީ އެންޖެލީނާއާ ދެކޮޅަށް ކޯޓަށް ވެސް ގޮސްފަ އެވެ. އެ މައްސަލާގައި ރެސްޓްރެއިނިން އޯޑާއަކަށް އެދިފައިވާއިރު ލިބުނު ގެއްލުމުގެ ބަދަލުގައި މާލީ ބޮޑު އަދަދެއް ހޯދަން ވެސް ހުށައަޅާފައިވެ އެވެ.

އޭނާ ބުނެފައިވަނީ ފާއިތުވި 15 އަހަރު ދުވަހުގެ ތެރޭގައި އެކި ގޮތްގޮތުން އޭނާއަށް އަނިޔާކުރަން އެންޖެލީނާ މަސައްކަތް ކޮށްފައިވާ ކަމަށެވެ. އޭގެ ތެރޭގައި ރޫހާނީ ބާރު ބޭނުން ކުރުން ފަދަ ކަންކަން ވެސް ހިމެނެ އެވެ.

މިއީ ކުރީގެ ފިރިމީހާ ބްރެޑް ޕިޓްއާއެކު ގާނޫނީ ހަނގުރާމައެއް މިހާރުވެސް ކުރަމުން އަންނަ އެންޖެލީނާއަށް ކުރިމަތިވި އިތުރު ގާނޫނީ ގޮންޖެހުމެކެވެ.

މިކަމާ ބެހޭގޮތުން އެންޖެލީނާ އަދި އެއްވެސް އެއްޗެއް ބުނެފައި ނުވާއިރު މިކަމަށް އާއްމުންނާއި މީޑިއާގެ ބޮޑު ސަމާލުކަމެއް އަންނަނީ ލިބެމުންނެވެ.