70ގެ އަހަރުތަކުގައި މަޝްހޫރުވި ޕޮޕް ބޭންޑެއް ކަމަށްވާ "ވިލެޖް ޕީޕަލް"އަށް ލިބެންވާ 20 މިލިއަން ޑޮލަރުގެ މައްސަލައެއްގައި އެ ބޭންޑުން ޑިޒްނީ އެންޓަޓެއިންމަންޓްއާ ދެކޮޅަށް ކޯޓު މައްސަލައެއް ހުށައަޅައިފި އެވެ.

އެ ބޭންޑުގެ ލީޑް ލަވަކިޔުންތެރިޔާ ވިކްޓާ ވިލްސްގެ އަންހެނުން ކަރެން ވިލްސް މިދިޔަ އަހަރުގެ ފަހުކޮޅު ހުށައެޅި އެ މައްސަލައިގައި ބުނެފައިވަނީ ޑިޒްނީގެ އަމަލުތައް ހުރި ގޮތުން އެ ބޭންޑަށް މާލީ ގެއްލުންތަކެއް ލިބިފައިވާ ކަމަށެވެ.

އެގޮތުން 2018 ވަނަ އަހަރު ފްލޮރިޑާގެ ޑިޒްނީ ވޯލްޑްގައި ހުށައެޅުމެއް ހުށައަޅަން ލިބުނު ފުރުސަތުގައި އެ ބޭންޑުން އެ ހުށައެޅުން ހުށައަޅާފައިވާއިރު އަދި އަދަށްވެސް އޭގެ އަގު ނުލިބޭ ކަމަށް މައްސަލާގައިވެ އެވެ.

މީގެ އިތުރުން ވެސް އެ ހުށަައެޅުމުގެ ތެރެއިން ދިމާވި ޓެކްނިކަލް މައްސަލަތަކާއި ޑިޒްނީގެ ފަރުވާކުޑަ ކަމުން ހުށައެޅުމަށް ނޭދެވޭ އަސަރުތަކެއް ކުރިކަން ފާހަގަ ކޮށްފައިވެ އެވެ.

ހަމައެއާއެކު އެ ހުށައެޅުމަށްފަހު ޑިޒްނީގެ އެއްވެސް ތީމް ޕާކެއްގައި އެ ބޭންޑް ހުށައަޅުން މަނާކޮށް ޑިޒްނީއިން އެ ބޭންޑް "ބޮއިކޮޓް" ކޮށްފައިވާ ކަމަށް ވެސް އެ މައްސާލައިގައި ބުނެފައިވެ އެވެ.

ކަރެންގެ ފިރިމީހާ ވިކްޓާއަކީ "ވިލެޖް ޕީޕަލް" މަޝްހޫރުވިއިރު އެ ބޭންޑުގައި ހަރަކާތްތެރިވި މެމްބަރުންގެ ތެރެއިން މިއަދާ ހަމައަށް އެ ބޭންޑުގައި ދެމިހުރި ހަމައެކަނި މެމްބަރެވެ.